भारतात मोटोरोलाचा नवा 'G5s प्लस' लाँच!

मटा ऑनलाइन वृत्त। नवी दिल्ली

'मोटोरोला G5' व 'G5 प्लस' नंतर मोटोरोला कंपनीने भारतात 'G5s प्लस' लॅान्च केला आहे. मोटो 'G5s प्लस'चे खास वैशिष्ट्य म्हणजे हा मोटोरोलाचा ड्युअल कॅमेरा सेटअप असणारा पहिलाच फोन असणार आहे.

या हँडसेटला १३ मेगापिक्सलचे दोन बॅक कॅमेरे असणार आहेत व LED फ्लॅशसह ८ मेगापिक्सल फ्रंट कॅमेरा आहे.

हा फोन दोन व्हॅरीएंट मध्ये उपल्बध आहे, एक ३ जीबी रॅम व ३२ जीबी मेमरी तर दुसऱ्या फोन मध्ये ४ जीबी रॅम सोबत ६४ जीबी स्टोरेजची क्षमता देण्यात आली आहे. ही क्षमता१२८ जीबीपर्यंत वाढवताही येऊ शकते. त्याचबरोबर बॅटरीची क्षमता ३०००mAh इतकी आहे.

'मोटो G5s प्लस' मध्ये '५.५ इंचा'चा एचडी डिस्पले असणार आहे. त्याचबरोबर या फोनमध्ये 'क्वॅालकॅाम स्नॅपड्रॅगन ६२५' प्रोसेसर असून अँड्रॉइड व्हर्जन '७.१.१ नुगा' हे देण्यात आले आहे.

ग्राहकांना हा फोन फक्त अॅमझॅान किंवा मग 'ई- कॅामर्स' साइट वरुनच खरेदी करता येऊ शकतो. या फोनची किंमत फक्त २०,००० रुपये इतकी असणार आहे.