मोटो G8 पॉवर लाइट भारतात झाला महाग, पाहा नवी किंमत

नवी दिल्लीः देशात स्मार्टफोनच्या किंमतीत लागोपाठ वाढ होत आहे. फोन्सच्या या वाढत्या किंमतीसाठी जीएसटी दरवाढ, पुरवठा शॉर्टेज, आणि अन्य काही कारणे दिले आहेत. आता आणखी एक मोबाइलच्या किंमतीत वाढ करण्यात आली आहे. Moto G8 Power Lite फोन खरेदी करु पाहणाऱ्या चाहत्यांना आता जास्तीचे पैसे मोजावे लागतील. कंपनीने नुकताच मोटोरोला वन फ्यूजनच्या किंमतीत सुद्धा वाढ केली आहे.

वाचाः पासवर्ड आणि बँकिंग डेटा चोरणारे ३३७ अॅप्स, तात्काळ डिलीट करा

Moto G8 Power Lite च्या किंमतीत ५०० रुपयांची वाढ करण्यात आली आहे. म्हणजेच आता हा फोन ९ हजार ४९९ रुपयांना मिळणार आहे. या स्मार्टफोनला देशात ८ हजार ९९९ रुपयांना लाँच करण्यात आले होते. या फोनमध्ये ४ जीबी रॅम प्लस ६४ जीबी स्टोरेज दिला आहे. फोनला नवीन किंमतीसोबत फ्लिपकार्टवर आधीच लिस्ट करण्यात आले आहे. मोटो जी ८ पॉवर लाईटमध्ये ६.५ इंचाचा एचडी प्लस मॅक्स व्हिजन डिस्प्ले दिला आहे. यात मीडियाटेक हीलियो पी ३५ प्रोसेसर दिला आहे. फोनमध्ये ४ जीबी रॅम प्लस ६४ जीबी इनबिल्ट स्टोरेज दिला आहे. फोन अँड्रॉयड ९ पाय वर चालतो.

वाचाः रियलमीच्या या फोनचा आज सेल, किंमत १० हजारांपेक्षा कमी


स्मार्टफोनमध्ये एलईडी फ्लॅश सोबत १६ मेगापिक्सलचा प्रायमरी, २ मेगापिक्सलचा मायक्रो आणि २ मेगापिक्सलचा डेप्थ सेन्सरचा ट्रिपल रियर कॅमेरा सेटअप दिला आहे. फोनमध्ये ८ मेगापिक्सलचा फ्रंट कॅमेरा दिला आहे. हँडसेटमध्ये ग्रेडियंट प्लास्टिक बॅक आहे. रियरमध्ये फ्रिंगरप्रिंट स्कॅनर दिला आहे. मोटोचा हा स्मार्टफोन ड्युल सिम आणि एक मायक्रोएसडी स्लॉट सोबत येतो. या फोनमध्ये 5000mAh बॅटरी दिली आहे. या बॅटरीला १० वॅट फास्ट चार्जिंगचा सपोर्ट दिला आहे.


वाचाः फिलिप्सने आणले दोन जबरदस्त स्मार्ट TV, पाहा किंमत

वाचाः सॅमसंगचा नवा फोन भारतात लाँच, किंमत ९९९९ ₹

वाचाः डोळ्यासारखा फिरणार फोनचा कॅमेरा, हटके फोन भारतात लाँच

वाचाः iQOO ने लाँच केला स्वस्तातील स्मार्टफोन, पाहा किंमत