Nokia: नोकियाचा सर्वात स्वस्त स्मार्टफोन आला

नवी दिल्ली:

चांगला मोबाइल विकत तर घ्यायचाय परंतु, जास्त पैसेही घालवायचे नाहीत, अशा भारतीयांसाठी आनंदाची बातमी आहे. नोकियाचा पहिला अँड्रॉइड गो स्मार्टफोन 'नोकिया १' भारतात लवकरच उपलब्ध होणार आहे. विशेष म्हणजे हा नोकियाचा सर्वात स्वस्त स्मार्टफोन असणार आहे.

एचएमडी ग्लोबलने भारतात लाँच केलेल्या या फोनची किंमत केवळ ५,४९९ रुपये असणार आहे. या स्मार्टफोनसोबत जिओ फुटबॉल कॅशबॅक ऑफर देण्यात आली असून त्यामुळे २२०० रुपयांपर्यंत कॅशबॅक मिळण्याची सोय केली आहे. ४.५ इंच डिस्प्ले असणाऱ्या या फोनमध्ये १ जीबी रॅम आहे. या स्मार्टफोनमध्ये ५ मेगापिक्सल रिअर आणि २ मेगापिक्सल फ्रंट कॅमेरा आहे. हा स्मार्टफोन भारतात नेमका कधीपासून विक्रीसाठी उपलब्ध होईल हे मात्र अद्याप स्पष्ट करण्यात आलेलं नाही