तीन कॅमेरे आणि दोन बॅटरीवाला फोन येतोय!

नवी दिल्ली

कामाच्या गडबडीत ऐनवेळी स्मार्टफोनची बॅटरी उतरून तो बंद होतो. त्यामुळं चांगलीच गोची होते. स्मार्टफोन युजर्सची हीच समस्या हेरून ओप्पो कंपनी 'ओप्पो आर १७ प्रो' हा स्मार्टफोन आणणार आहे. तीन कॅमेरे आणि दोन बॅटरी हे या फोनचं वैशिष्ट्य आहे. अवघ्या १० मिनिटांत ४० टक्क्यांपर्यंत चार्ज होऊ शकेल अशी या फोनची बॅटरी आहे.

या फोनच्या एका बॅटरीची क्षमता १८५० एमएएच इतकी आहे. म्हणजेच, एकूण ३७०० एमएएचची बॅटरी ग्राहकांना वापरता येणार आहे. या फोनला सुपरवूक (SuperVOOC) तंत्रज्ञानाची जोड देण्यात आली आहे. त्यामुळं हा फोन झटपट चार्ज होऊ शकणार आहे. तीन रिअर कॅमेरा असणारा ओप्पोचा हा पहिलाच फोन असेल. या स्मार्टफोनची किंमत ४,२९९ युआन (अंदाजे ४४,००० रुपये) आहे. ऑक्टोबरपासून हा फोन चीनमध्ये विक्रीसाठी उपलब्ध होणार आहे. भारतीय बाजारात तो कधी येतो, याबद्दल उत्सुकता आहे.


फोनमध्ये खास काय?

>> थ्री डी फेशियल स्कॅनिंग सिस्टिम, १२ मेगापिक्सल आणि २० मेगापिक्सलचा ड्युएल रिअर कॅमेरा

>> ६.४ इंचाचा एमोलेड डिस्प्ले

>> ६ कॉर्निया ग्लास

>> फिंगरप्रिंट सेन्सर

>> ८.० ओरियो ऑपरेटिंग सिस्टम

>> क्वॉलकॉम स्नॅपड्रॅगन ७१० प्रोसेसर

>> ८ जीबी रॅम आणि १२८ जीबी स्टोरेज