नवी दिल्ली
आजच्या युगात अत्यावश्यक गरज बनलेल्या मोबाइलची विक्री दिवसेंदिवस वाढत आहे. नवीन वर्षात मोबाइलच्या विक्रीत भरमसाठ वाढ होणार असून केवळ भारतात ३०२ मिलियन मोबाइल हँडसेटची विक्री होणार आहे, अशी माहिती एका अभ्यासातून समोर आली आहे.
'टेक्नोलॉजी रिसर्च कन्स्लटिंग फर्म टेक एआरसी'ने केलेल्या अभ्यासानुसार २०१९ हे वर्ष मोबाइल विक्रीसाठी खूप चांगलं राहणार आहे. २०१९ च्या वर्षीही स्मार्टफोन बाजारात शाओमीचा दबदबा राहणार आहे. ३०२ मिलियन मोबाइल हँडसेटच्या विक्रीत १४८ मिलियन (४९.३ टक्के) स्मार्टफोन, ५५ मिलियन (१८.२ टक्के) स्मार्ट फीचर फोन तर ९८ मिलियन (३२.५ टक्के) फीचर फोनचा समावेश राहणार आहे. २०१५-२०१७ मध्ये मोठ्या प्रमाणात युजर्सनी फोरजी स्मार्टफोन रिप्लेसमेंट केला आहे, अशी माहिती टेकएआरसीचे संस्थापक फैसल कावूसा यांनी दिली.
२०१८ साली शाओमी, वन प्लस, गुगल, नोकिया, असुस आणि रिअलमी या फोनच्या विक्रीत चांगली वाढ झाली होती. ती पुढील वर्षीही कायम राहिल, असा अंदाज या अभ्यासातून वर्तवण्यात आला आहे. सॅमसंग, ओप्पो, विवो आणि होनोरला २०१८ मध्ये फारशी चमक दाखवता आली नाही. पुढील वर्षातही या मोबाइलकडे ग्राहक कितपत आकर्षित होतात, हे पाहावे लागणार आहे.
आजच्या युगात अत्यावश्यक गरज बनलेल्या मोबाइलची विक्री दिवसेंदिवस वाढत आहे. नवीन वर्षात मोबाइलच्या विक्रीत भरमसाठ वाढ होणार असून केवळ भारतात ३०२ मिलियन मोबाइल हँडसेटची विक्री होणार आहे, अशी माहिती एका अभ्यासातून समोर आली आहे.
'टेक्नोलॉजी रिसर्च कन्स्लटिंग फर्म टेक एआरसी'ने केलेल्या अभ्यासानुसार २०१९ हे वर्ष मोबाइल विक्रीसाठी खूप चांगलं राहणार आहे. २०१९ च्या वर्षीही स्मार्टफोन बाजारात शाओमीचा दबदबा राहणार आहे. ३०२ मिलियन मोबाइल हँडसेटच्या विक्रीत १४८ मिलियन (४९.३ टक्के) स्मार्टफोन, ५५ मिलियन (१८.२ टक्के) स्मार्ट फीचर फोन तर ९८ मिलियन (३२.५ टक्के) फीचर फोनचा समावेश राहणार आहे. २०१५-२०१७ मध्ये मोठ्या प्रमाणात युजर्सनी फोरजी स्मार्टफोन रिप्लेसमेंट केला आहे, अशी माहिती टेकएआरसीचे संस्थापक फैसल कावूसा यांनी दिली.
२०१८ साली शाओमी, वन प्लस, गुगल, नोकिया, असुस आणि रिअलमी या फोनच्या विक्रीत चांगली वाढ झाली होती. ती पुढील वर्षीही कायम राहिल, असा अंदाज या अभ्यासातून वर्तवण्यात आला आहे. सॅमसंग, ओप्पो, विवो आणि होनोरला २०१८ मध्ये फारशी चमक दाखवता आली नाही. पुढील वर्षातही या मोबाइलकडे ग्राहक कितपत आकर्षित होतात, हे पाहावे लागणार आहे.