रियलमी Narzo 10 फोनचा आज सेल, ऑफर्स मिळणार

नवी दिल्लीः स्मार्टफोन मेकर रियलमीकडून नार्जो सीरीज खास तरुण युजर्ससाठी लाँच करण्यात आली आहे. त्यामुळे आतापर्यंत झालेल्या सर्व फ्लॅश सेलमध्ये अवघ्या काही मिनिटात हा फोन आउट ऑफ स्टॉक झाला आहे. ग्राहकांना रियलमी नार्जो १० स्मार्टफोन खरेदी करण्याची संधी आज पुन्हा एकदा मिळणार आहे. आज रात्री ८ वाजता या स्मार्टफोनचा सेल फ्लिपकार्टवर होणार आहे. या फोन खरेदीवर अनेक ऑफर्स देण्यात येणार आहेत.

वाचाः WhatsAppच्या या नवीन फीचर्समुळे चॅटिंगची मजा दुप्पट होणार

किंमत आणि ऑफर्स
मे महिन्यात लाँच झालेला स्मार्टफोन तीन कलरमध्ये मिळणार आहे. हा फोन 4GB रॅम + 128GB स्टोरेजमध्ये येतो. अँड्रॉयड १० वर काम करणाऱ्या या फोनमध्ये ऑक्टाकोर मीडियाटेक हीलियो जी८० प्रोसेसर मिळतो. तसेच या फोनमध्ये ४८ मेगापिक्सलचा क्वॉड कॅमेरा दिला आहे. भारतात रियलमी नार्जो १० ची किंमत ११ हजार ९९९ रुपये आहे. ही किंमत फोनच्या ४ जीबी रॅम मॉडलची आहे. MobiKwik यूजर्स ला या फोन खरेदीवर ५०० रुपयांपर्यंत डिस्काउंट ऑफर केली जात आहे. फ्लिपकार्टवर Axis Bank Buzz क्रेडिट कार्डधारकांना ५ टक्के डिस्काउंट दिला जात आहे. तसेच नो कॉस्ट ईएमआयचे ऑप्शन सुद्धा फोनवर उपलब्ध आहे.

वाचाः HTCचा नवा E2 स्मार्टफोन लाँच, पाहा किंमत-फीचर्स

रियलमी नार्जो १० चे वैशिष्ट्ये
स्मार्टफोनमध्ये ६.५ इंचाचा एचडी+ LCD डिस्प्ले दिला आहे. याचे रिझॉल्यूशन 720x1,600 पिक्सल आहे. फोनमध्ये मीडियाटेक हीलियो जी80 प्रोसेसर दिला आहे. हा फोन एक ड्यूल सिम स्मार्टफोन आहे. या फोनची इंटरनल स्टोरेज मायक्रोएसडी कार्डच्या मदतीने २५६ जीबी पर्यंत वाढवता येवू शकते. यात कनेक्टिविटीसाठी 4जी वीओएलटीई, 3जी, वाय-फाय, ब्लूटूथ, जीपीएस आणि यूएसबी टाइप-सी यासारखे कनेक्टिविटी फीचर्स देण्यात आले आहे.

वाचाः इंडियन ब्रँड Shinco चे ३ जबरदस्त टीव्ही लाँच, जाणून घ्या किंमत-फीचर्स

फोटो फीचर
फोटोग्राफीसाठी रियलमी नार्जो १० मध्ये ४८ मेगापिक्सलचा क्वॉड रियर कॅमेरा सेटअप दिला आहे. रियर कॅमेऱ्यात ४८ मेगापिक्सलचा प्रायमरी सेन्सर, ८ मेगापिक्सलचा अल्ट्रा वाइड सेन्सर, २ मेगापिक्सलचा मायक्रो आणि २ मेगापिक्सलचा डेप्थ सेन्सर दिला आहे. सेल्फी आण व्हिडिओ कॉलिंगसाठी या फोनमध्ये १६ मेगापिक्सलचा फ्रंट कॅमेरा दिला आहे. तसेच स्मार्टफोन मध्ये 5000mAh मोठी बॅटरी दिली आहे.

वाचाः जिओचे सर्वात फायद्याचे प्लान, वर्षभराची वैधता, ७३० GB डेटा

वाचाः सेलः नॉन चायनीज स्मार्टफोनवर जबरदस्त मिळतेय सूट

वाचाः शाओमीच्या Mi TV Stick चा भारतात आज दुपारी सेल