'रेडमी'चा आणखी एक नवा स्मार्टफोन आज लाँच होणार

नवी दिल्लीः चीनची टेक कंपनी शाओमी आपला लेटेस्ट स्मार्टफोन ग्लोबल बाजारात आज लाँच करणार आहे. गेल्या महिन्यात भारतात नोट ९ प्रो आणि नोट ९ प्रो मॅक्स हे दोन स्मार्टफोन शाओमीने लाँच केले होते. आता कंपनी लेटेस्ट सीरिज अंतर्गत आणखी एक स्मार्टफोन ग्लोबल बाजारात लाँच करणार आहे. याची माहिती कंपनीने अधिकृत ट्विटर अकाउंटवरून दिली आहे. या स्मार्टफोनला रेडमी नोट ९ नावाने बाजारात उतरवले जाऊ शकते.

वाचाः भारतातील बेस्ट फीचर फोन, दमदार बॅटरी-टॉर्च

शाओमीने आपल्या अधिकृत ट्विटर अकाउंटवर ट्विट करताना म्हटले की, रेडमी नोट ९ सीरिजचा लेटेस्ट स्मार्टफोन ३० एप्रिलला लाँच करण्यात येणार आहे. परंतु, कंपनीने या स्मार्टफोनची किंमत आणि फीचर्स संबंधी कोणतीही माहिती दिली नाही. आज लाँच करण्यात आल्यानंतर या फोनची किंमत आणि त्याची वैशिष्ट्ये माहिती होतील. लिक रिपोर्टच्या माहितीनुसार, कंपनी या स्मार्टफोनची किंमत मिड-प्रीमियम रेंज ठेवू शकते. एका लिक रिपोर्टनुसार, या फोनची किंमत १६ हजार २०० रुपये असू शकते. परंतु, या स्मार्टफोनची खरी किंमत व फीचर्स लाँचिंग कार्यक्रमानंतर जाहीर करण्यात येतील.

वाचाः आयफोन १२ ची किंमत iPhone 11 पेक्षा कमी

मीडिया रिपोर्ट्सनुसार, युजर्संना या स्मार्टफोनमध्ये ६.५३ इंचाचा फुल एचडी प्लस डिस्प्ले मिळू शकतो. या फोनमध्ये मीडियाटेक हिलियो जी ८५ प्रोसेसर आणि ४ जीबी रॅमचा सपोर्ट मिळू शकतो. हा स्मार्टफोन १० ऑपरेटिंगवर काम करतो. या फोनमध्ये क्वॉड कॅमेऱ्याचा सेटअप दिला जावू शकतो. परंतु, आता पर्यंत सेन्सर्स आणि अन्य फीचर्सची माहिती उघड झाली नाही.

वाचाः मस्तच! जिओकडून युजर्संना २ जीबी डेटा फ्री