सॅमसंग गॅलेक्सी नोट ८ लॉन्च; किंमतही जाहीर

मटा ऑनलाइन वृत्त । नवी दिल्ली

आपल्या एकापेक्षा एक भारी आविष्कारांनी जगभरातील मोबाइलप्रेमींची मनं जिंकलेल्या सॅमसंगचा गॅलेक्सी नोट 8 हा हायटेक फोन आज भारतात लॉन्च झाला आहे. आजघडीला जे जे अद्ययावत तंत्रज्ञान उपलब्ध आहे, त्या सर्व फीचर्सनी खच्चून भरलेल्या या फोनची किंमत किती असेल, हीच खरी उत्सुकता होती. ती कंपनीने ६७,९०० रुपये इतकी जाहीर केली आहे.

सॅमसंग गॅलेक्सी नोट 8 साठी प्री-बुकिंग आजपासून सुरू झालंय. २१ सप्टेंबरपासून त्याची विक्री सुरू होणार आहे. हा फोन लगेचच खरेदी करणाऱ्या ग्राहकांना 'लॉन्च ऑफर' म्हणून एक वायरलेस चार्जर आणि एकदा स्क्रीन रिल्पेसमेंटची वॉरेंटी देण्यात आलीय. एचडीएफसी बँकेच्या क्रेडिट कार्डवरून खरेदी करणाऱ्या ग्राहकांना ४ हजार रुपयांचा कॅशबॅकही मिळणार आहे.

सॅमसंग गॅलेक्सी नोट 8 ची फीचर्सः

>> ६.३ इंची क्वाड एचडी + सुपर अॅमोलेड डिस्प्ले

>> गॅलेक्सी एस8 आणि एस8 प्लसप्रमाणे इन्फिनिटी डिस्प्ले

>> १२ मेगापिक्सलचे दोन रिअर कॅमेरे

>> ८ मेगापिक्सलचा फ्रंट कॅमेरा

>> ३,३०० mAh बॅटरी

>> ऑपरेटिंग सिस्टम ७.१.१ नूगा

>> वायरलेस चार्जिंगही शक्य

>> रॅमः ६ जीबी

>> इनबिल्ट मेमरीः ६४ जीबी, १२८ जीबी, २५६ जीबी + मायक्रो एसडी कार्डाचा पर्यायही उपलब्ध

>> रंगः मिडनाइट ब्लॉक आणि मेपल गोल्ड