ईटी वृत्त, मुंबई
ऑनलाइन शॉपिंग सेवा देणाऱ्या ‘अॅमेझॉन इंडिया’ने आता वापरलेले तसेच दुरुस्ती केलेले स्मार्टफोन विकणेही सुरू केले आहे. वन प्लस, सॅमसंग, आसूस, झोलो, नोकिया, इनफोकस, एलजी आणि एमआय अशा नामांकित कंपन्यांच्या स्मार्टफोन्सचा त्यांच्यात समावेश आहे.
स्मार्टफोन्सच्या जोडीला ‘अॅमेझॉन’ वापरलेले लॅपटॉप आणि टॅबही विकणार असून, ग्राहकांना या वस्तूंविषयीचे रिव्ह्यूही पाहता येणार आहेत. या निर्णयामुळे सेकंडहॅण्ड वस्तूंच्या बाजारपेठेत उतरणारा ‘अॅमेझॉन’ हा पहिला मोठा ई-कॉमर्स ब्रॅण्ड ठरला आहे.
बिघाड किंवा अन्य कारणांमुळे एखादे उत्पादन पुन्हा उत्पादक कंपनीकडे पाठवले जाते. कंपनीकडून दुरुस्ती होऊन ते उत्पादन नव्याने बाजारात आणले जाते. त्यालाच ‘रिफर्बिश्ड’ वस्तू असे म्हणतात. त्या नव्या वस्तूंप्रमाणेच काम करतात, असे ‘अॅमेझॉन’च्या वेबसाइटवर नमूद करण्यात आले आहे. असे ‘रिफर्बिश्ड’ स्मार्टफोन, टॅप किंवा लॅपटॉपवर उत्पादक कंपन्यांकडून कमीत कमी सहा महिन्यांची वॉरंटी दिली जाते, असेही ‘अॅमेझॉन’ने म्हटले आहे. ‘रिफर्बिश्ड’ वस्तू परत करताना मात्र, ‘सद्या गरज नाही’ हा मुद्दा लागू होणार नाही. ऑर्डर केलेल्या वस्तूऐवजी दुसरीच वस्तू आली किंवा ग्राहकांना डॅमेज झालेली वस्तू मिळाली तरच ती रिफंड मिळण्यासाठी पात्र असेल, असे ‘अॅमेझॉन’चे म्हणणे आहे. मात्र, कोणत्याही परिस्थितीत त्या वस्तूच्या बदल्यात दुसरी वस्तू (रिप्लेसमेंट) मिळणार नाही, असेही ‘अॅमेझॉन’ने स्पष्ट केले आहे.
नव्या ‘आयफोन’साठी रांगा
सॉनफ्रॅन्सस्किो : अनेक दिवसांपासून सर्वांचे लक्ष लागून राहिलेले आयफोन ७ आणि ७ प्लस सर्वांत आधी आपल्या हाती पडावेत म्हणून ‘अॅपल’प्रेमी ग्राहकांच्या रांगाच रांगा शुक्रवारी, लाँचिगच्या पहिल्या दिवसांपासून पाहायला मिळाल्या. मात्र, मागणीपेक्षा पुरवठा कमी अशी स्थिती निर्माण झाल्याने अनेक ठिकाणी उत्साहाबरोबरच निराशाही दिसून येत होती. तासंतास रांगेत उभे राहूनही फोन न मिळाल्यामुळे अनेक ग्राहकांच्या उत्साहावर पुरते विरजण पडले. मात्र, आयफोन ७ आणि ७ प्लसचा तुटवडा प्रचंड मागणीमुळे निर्माण झाला की, अपुऱ्या पुरवठ्यामुळे हे अद्याप स्पष्ट झालेले नाही.
ऑनलाइन शॉपिंग सेवा देणाऱ्या ‘अॅमेझॉन इंडिया’ने आता वापरलेले तसेच दुरुस्ती केलेले स्मार्टफोन विकणेही सुरू केले आहे. वन प्लस, सॅमसंग, आसूस, झोलो, नोकिया, इनफोकस, एलजी आणि एमआय अशा नामांकित कंपन्यांच्या स्मार्टफोन्सचा त्यांच्यात समावेश आहे.
स्मार्टफोन्सच्या जोडीला ‘अॅमेझॉन’ वापरलेले लॅपटॉप आणि टॅबही विकणार असून, ग्राहकांना या वस्तूंविषयीचे रिव्ह्यूही पाहता येणार आहेत. या निर्णयामुळे सेकंडहॅण्ड वस्तूंच्या बाजारपेठेत उतरणारा ‘अॅमेझॉन’ हा पहिला मोठा ई-कॉमर्स ब्रॅण्ड ठरला आहे.
बिघाड किंवा अन्य कारणांमुळे एखादे उत्पादन पुन्हा उत्पादक कंपनीकडे पाठवले जाते. कंपनीकडून दुरुस्ती होऊन ते उत्पादन नव्याने बाजारात आणले जाते. त्यालाच ‘रिफर्बिश्ड’ वस्तू असे म्हणतात. त्या नव्या वस्तूंप्रमाणेच काम करतात, असे ‘अॅमेझॉन’च्या वेबसाइटवर नमूद करण्यात आले आहे. असे ‘रिफर्बिश्ड’ स्मार्टफोन, टॅप किंवा लॅपटॉपवर उत्पादक कंपन्यांकडून कमीत कमी सहा महिन्यांची वॉरंटी दिली जाते, असेही ‘अॅमेझॉन’ने म्हटले आहे. ‘रिफर्बिश्ड’ वस्तू परत करताना मात्र, ‘सद्या गरज नाही’ हा मुद्दा लागू होणार नाही. ऑर्डर केलेल्या वस्तूऐवजी दुसरीच वस्तू आली किंवा ग्राहकांना डॅमेज झालेली वस्तू मिळाली तरच ती रिफंड मिळण्यासाठी पात्र असेल, असे ‘अॅमेझॉन’चे म्हणणे आहे. मात्र, कोणत्याही परिस्थितीत त्या वस्तूच्या बदल्यात दुसरी वस्तू (रिप्लेसमेंट) मिळणार नाही, असेही ‘अॅमेझॉन’ने स्पष्ट केले आहे.
नव्या ‘आयफोन’साठी रांगा
सॉनफ्रॅन्सस्किो : अनेक दिवसांपासून सर्वांचे लक्ष लागून राहिलेले आयफोन ७ आणि ७ प्लस सर्वांत आधी आपल्या हाती पडावेत म्हणून ‘अॅपल’प्रेमी ग्राहकांच्या रांगाच रांगा शुक्रवारी, लाँचिगच्या पहिल्या दिवसांपासून पाहायला मिळाल्या. मात्र, मागणीपेक्षा पुरवठा कमी अशी स्थिती निर्माण झाल्याने अनेक ठिकाणी उत्साहाबरोबरच निराशाही दिसून येत होती. तासंतास रांगेत उभे राहूनही फोन न मिळाल्यामुळे अनेक ग्राहकांच्या उत्साहावर पुरते विरजण पडले. मात्र, आयफोन ७ आणि ७ प्लसचा तुटवडा प्रचंड मागणीमुळे निर्माण झाला की, अपुऱ्या पुरवठ्यामुळे हे अद्याप स्पष्ट झालेले नाही.