दिवाळीच्या शुभेच्छा देणारे स्टिकर्स यंदा तुमच्याही मोबाइलवर आले असतील ना? व्हॉटसअॅपनं यंदा हे स्टिकर्स उपलब्ध करून देत युजर्सना अनोखी दिवाळी भेट दिली आहे.
नीरज पंडित
कुठल्याही सणाला शुभेच्छा देणारे मेसेज व्हायरल होत असतात. यंदा दिवाळीमध्ये शुभेच्छा संदेशांची जागा स्टिकर्सनी घेतली आहे. व्हॉट्सअॅपवर नव्यानं सुरू झालेल्या स्टिकर्स सेवेमुळे यंदाच्या दिवाळीत सोशल मीडियावर स्टिकर्सचे फटाके फुटत आहेत. लोकांकडून मला स्टिकर्स येताहेत. पण अजून माझ्या मोबाइलमधल्या व्हॉट्सअॅपवर ते उपलब्ध झालेले नाहीत. यामुळे अस्वस्थ होऊन अनेक जण अॅपमध्ये शोधाशोध करत आहेत. पण, जरा थांबा. कंपनीनं व्हर्जन मॉडेलनुसार हे रिलीज करायला सुरुवात केली आहे. यामुळे दोन ते तीन दिवसात सर्व मोबाइल फोन्समध्ये हे स्टिकर्स दिसू लागतील.
भारतात सर्वाधिक वापरल्या जाणाऱ्या व्हॉट्सअॅप या मेसेजिंग अॅपवर विविध प्रकारच्या भावना व्यक्त करण्यासाठी मुबलक स्माइली उपलब्ध आहेत. काळानुरुप यामध्ये 'जिफ' फाइल्सचा समावेश करण्यात आला. तरीही स्टिकर्सची कमी जाणवत होती. तीच गोष्ट ओळखून या अॅपचा स्वदेशी प्रतिस्पर्धी असलेल्या हाइकनं आपल्या युजर्सना स्टिकर्सवर खिळवून ठेवलं होतं. याचबरोबर फेसबुकवरही असे स्टिकर्स उपलब्ध झाले आहेत. युजर्सची याला चांगली पसंती होती. यामुळे कुठलाही सण आला, की बहुतांश युजर्स फेसबुक किंवा हाइकवरून स्टिकर्स पाठवत होते. यंदा व्हॉट्सअॅपनंही स्टिकर्स उपलब्ध करून देत युजर्सना दिवाळी भेट दिली.
कुठे मिळतील?
हे स्टिकर्स अँड्रॉइड आणि आयओएस या दोन्ही ओएसवर उपलब्ध करून देण्यात आले आहेत. अँड्रॉइडच्या बीटा व्हर्जन 2.18.329 वर आणि आयफोन व्हर्जन 2.18.100 वर उपलब्ध असल्याचं व्हॉट्सअॅपच्या ब्लॉग पोस्टवर म्हटलं आहे. तुमचं व्हर्जन पाहण्यासाठी अॅप इन्फोमध्ये जाऊन ते चेक करता येईल. या व्हर्जनमध्ये तुम्ही एकदा स्टिकर्स फिचरमध्ये गेलात की तुम्हाला स्टिकर्सचा एक पॅक मिळेल. ते डाऊनलोड केल्यावर तुम्हाला ते ऑफलाइनही वापरता येतात. तसंच स्माईलीच्या खालच्या बाजूस 'जिफ'च्या शेजारी हा स्टिकर्स आयकॉन दिसतो. सध्या मर्यादित स्टिकर्स उपलब्ध असले तरी स्टिकर्सची संख्या दिवसागणिक वाढत चालली आहे.
नीरज पंडित
कुठल्याही सणाला शुभेच्छा देणारे मेसेज व्हायरल होत असतात. यंदा दिवाळीमध्ये शुभेच्छा संदेशांची जागा स्टिकर्सनी घेतली आहे. व्हॉट्सअॅपवर नव्यानं सुरू झालेल्या स्टिकर्स सेवेमुळे यंदाच्या दिवाळीत सोशल मीडियावर स्टिकर्सचे फटाके फुटत आहेत. लोकांकडून मला स्टिकर्स येताहेत. पण अजून माझ्या मोबाइलमधल्या व्हॉट्सअॅपवर ते उपलब्ध झालेले नाहीत. यामुळे अस्वस्थ होऊन अनेक जण अॅपमध्ये शोधाशोध करत आहेत. पण, जरा थांबा. कंपनीनं व्हर्जन मॉडेलनुसार हे रिलीज करायला सुरुवात केली आहे. यामुळे दोन ते तीन दिवसात सर्व मोबाइल फोन्समध्ये हे स्टिकर्स दिसू लागतील.
भारतात सर्वाधिक वापरल्या जाणाऱ्या व्हॉट्सअॅप या मेसेजिंग अॅपवर विविध प्रकारच्या भावना व्यक्त करण्यासाठी मुबलक स्माइली उपलब्ध आहेत. काळानुरुप यामध्ये 'जिफ' फाइल्सचा समावेश करण्यात आला. तरीही स्टिकर्सची कमी जाणवत होती. तीच गोष्ट ओळखून या अॅपचा स्वदेशी प्रतिस्पर्धी असलेल्या हाइकनं आपल्या युजर्सना स्टिकर्सवर खिळवून ठेवलं होतं. याचबरोबर फेसबुकवरही असे स्टिकर्स उपलब्ध झाले आहेत. युजर्सची याला चांगली पसंती होती. यामुळे कुठलाही सण आला, की बहुतांश युजर्स फेसबुक किंवा हाइकवरून स्टिकर्स पाठवत होते. यंदा व्हॉट्सअॅपनंही स्टिकर्स उपलब्ध करून देत युजर्सना दिवाळी भेट दिली.
कुठे मिळतील?
हे स्टिकर्स अँड्रॉइड आणि आयओएस या दोन्ही ओएसवर उपलब्ध करून देण्यात आले आहेत. अँड्रॉइडच्या बीटा व्हर्जन 2.18.329 वर आणि आयफोन व्हर्जन 2.18.100 वर उपलब्ध असल्याचं व्हॉट्सअॅपच्या ब्लॉग पोस्टवर म्हटलं आहे. तुमचं व्हर्जन पाहण्यासाठी अॅप इन्फोमध्ये जाऊन ते चेक करता येईल. या व्हर्जनमध्ये तुम्ही एकदा स्टिकर्स फिचरमध्ये गेलात की तुम्हाला स्टिकर्सचा एक पॅक मिळेल. ते डाऊनलोड केल्यावर तुम्हाला ते ऑफलाइनही वापरता येतात. तसंच स्माईलीच्या खालच्या बाजूस 'जिफ'च्या शेजारी हा स्टिकर्स आयकॉन दिसतो. सध्या मर्यादित स्टिकर्स उपलब्ध असले तरी स्टिकर्सची संख्या दिवसागणिक वाढत चालली आहे.