...तर ३१ ऑक्टोबरपर्यंत बंद होणार 'हे' ७ कोटी मोबाईल क्रमांक!

नवी दिल्ली: जर तुम्ही एअरसेल (Aircel) आणि डिशनेट वायरलेस ( Dishnet Wireless) युजर असाल तर तुमचा नंबर ३१ ऑक्टोबरनंतर बंद होणार आहे. आपल्या नंबरवर सेवा सुरू ठेवण्यासाठी आपला नंबर ३१ ऑक्टोबरपूर्वी दुसर्‍या नेटवर्कवर पोर्ट करणे आवश्यक आहे. ट्रायच्या अहवालानुसार सध्या एअरसेलचे सुमारे ७० दशलक्ष (७ कोटी) वापरकर्ते आहेत. जर त्यांनी या तारखेच्या तारखेपूर्वी हा नंबर पोर्ट न केला तर त्यांचा नंबर अचानक बंद होईल.

एअरसेल युजर्सना युपीसीची सुविधा देण्यात आली होती

रिलायन्स जिओने २०१६ मध्ये टेलिकॉमच्या जगात प्रवेश केला होता. त्यानंतर दोन वर्ष स्ट्रगल केल्यावर एअरसेलने २०१८ च्या सुरूवातीस कंपनी बंद केली. त्यानंतर, एअरसेलने ट्रायचे दार ठोठावले आणि त्याच्या युजर्सना अतिरिक्त UPC (युनिक पोर्टिंग कोड) सेवा देण्यात आली जेणेकरून युजर्सना सेवा सुरू राहील. आता ट्राय ने स्पष्ट केलं आहे की एअरसेल युजर्सनी ३१ ऑक्टोबरपर्यंत नंबर पोर्ट करावा. यानंतर त्यांचा नंबर बंद होईल आणि त्यांना तो क्रमांक पोर्टही करता येणार नाही.

१९ दशलक्ष युजर्सनी नंबर केला पोर्ट क्रमांकावर

२०१८ मध्ये जेव्हा एअरसेलने आपलं नेटवर्क ऑपरेशन बंद केलं तेव्हा ९० दशलक्ष म्हणजे ९ कोटी युजर्स होते. ट्रायच्या आकडेवारीनुसार, २८ फेब्रुवारी २०१८ ते ३१ ऑगस्ट २०१९ दरम्यान एअरसेल वापरकर्त्यांपैकी केवळ १९ दशलक्ष (१.९ कोटी) युजर्सनीच मोबाइल नंबर पोर्टेबिलिटी ( एमएनपी ) वापरून नेटवर्क बदललं. उर्वरित ७० दशलक्ष (७ कोटी) युजर्सकडे एअरसेलचाच नंबर आहे. या युजर्सना ही अखेरची संधी आहे.

२०१८ मध्ये जेव्हा एअरसेल बंद पडली तेव्हाच कंपनीने आरकॉम म्हणजेच रिलायन्स डॉट कॉम कंपनीत विलीन होण्याचा प्रयत्न केला होता. पण टेलिकॉमच्या जगात वाढलेल्या स्पर्धेमुळे आयडिया वोडाफोनमध्ये विलीन झाली. एअरसेल बंद झाली तेव्हा तिचे युजर्स BSNL या सरकारी कंपनीपेक्षा अधिक होते.

एयरसेल आणि वायरलेस डिशनेटचे ग्राहक आंध्र प्रदेश, कर्नाटक, केरळ, आसाम, बिहार, दिल्ली, जम्मू आणि काश्मीर, कोलकाता, मुंबई, ईशान्य, ओडिशा, पंजाब, राजस्थान, तामिळनाडु, उत्तर प्रदेश (पूर्व) आणि पश्चिम बंगाल सर्कल मध्ये आहेत. या सर्व ग्राहकांसाठी क्रमांक पोर्ट करण्याची अखेरची संधी ३१ ऑक्टोबरपर्यंत आहे.

सध्या आपण एअरसेलचे वापरकर्ते असल्यास एअरटेलचे २ जी आणि ३ जी नेटवर्क मॅन्युअली निवडा आणि सेवेचा लाभ घ्या. आपण नेटवर्क सेवेवर जाऊन नेटवर्क निवडले नसल्यास, फोनमध्ये कोणताही सिग्नल दिसणार नाही.

नंबर पोर्ट कसा करावा?

मॅन्युअली नेटवर्क निवडल्यानंतर, मेसेजमध्ये जाऊन PORT टाइप करा. यानंतर तुमचा एअरसेल मोबाइल क्रमांक टाइप करून १९०० क्रमांकावर पाठवा. काही मिनिटांतच तुमच्या मोबाईलवर युनिक पोर्टिंग कोड (UPC) येईल. तुम्हाला ज्या टेलिकॉम सर्व्हिस प्रोव्हायडरची सेवा घ्यायची आहे, त्या स्टोअरमध्ये जाऊन UPC च्या मदतीने तुमचा नंबर दुसऱ्या नेटवर्कवर पोर्ट होईल. या संपूर्ण प्रक्रियेला किमान एका आठवड्याचा कालावधी लागतो.