नवी दिल्ली: व्हॉट्सअपमध्ये अलीकडं एक नवीनच तांत्रिक समस्या उद्धभवली असून त्यामुळं युजर्सनी अॅपवर ब्लॉक केलेल्या संपर्क क्रमांकांवरूनही त्यांना मॅसेज येत आहेत. ब्लॉक करणाऱ्या युजरचा व्हॉट्सअॅप स्टेटसही समोरच्या व्यक्तीला दिसत आहे. व्हॉट्सअॅपचे अँड्रॉइड व आयओएस व्हर्जन वापरणाऱ्या युजर्सनी या बगची तक्रार केली आहे. ब्लॉक करण्यात आलेले युजर्स मेसेज पाठवण्यासह स्टेटस व प्रोफाइलची माहिती पाहू शकत असल्याचंही समोर आलं आहे. कंपनीनं मात्र यावर अद्याप कसलीही प्रतिक्रिया दिलेली नसली तरी ब्लॉक नंबर पुन्हा अनब्लॉक करून पुन्हा ब्लॉक केल्यास या समस्येपासून सुटका करून घेता येऊ शकते.गेल्याच आठवड्यात व्हॉट्सअॅपचे काही नवीन फिचर्स आले होते. त्यात अॅडमिन कन्ट्रोल, ग्रुप कॅचअप, पार्टिसिपेंट सर्च आणि अॅडमिन परमिशन्सचा समावेश आहे.
व्हॉट्सअपमध्ये लोच्या; ब्लॉक नंबरवरूनही मेसेज
व्हॉट्सअपमध्येअलीकडं एक नवीनच तांत्रिक समस्या उद्धभवली असून त्यामुळं युजर्सनी अॅपवर ब्लॉक केलेल्या संपर्क क्रमांकांवरूनही त्यांना मॅसेज येत आहेत. ब्लॉक करणाऱ्या युजरचा व्हॉट्सअॅप स्टेटसही समोरच्या व्यक्तीला दिसत आहे.
महाराष्ट्र टाइम्स.कॉम 24 May 2018, 5:37 pm