...तर 'व्हॉट्सअॅप' वापरणे विसरावे लागेल!

मटा ऑनलाइन वृत्त । मुंबई

ब्लॅकबेरी १०, नोकिया सिम्बियन एस ४० आणि ६०, अँड्रॉइड २.१, २.२ फ्रोयो, विंडोज फोन ७.१ यासह सर्व जुन्या ऑपरेटिंग सिस्टिमसाठी 'व्हॉट्सअॅप'कडून तांत्रिक सहकार्य दिले जाणार नाही. 'व्हॉट्सअॅप'च्या व्यवस्थापनाने स्वतःच्या अधिकृत ब्लॉगपोस्टमधून ही माहिती जाहीर केली.

स्वतःच्या लोकप्रियतेसाठी कारणीभूत ठरलेल्या अनेक जुन्या मोबाइल फोनपासून दूर होण्याचा निर्णय 'व्हॉट्सअॅप'ने घेतला आहे. वेगाने बदलणाऱ्या तंत्रज्ञानासोबत राहण्यासाठी हा कठोर निर्णय घेतल्याचे 'व्हॉट्सअॅप'च्या व्यवस्थापनाने सांगितले.

'व्हॉट्सअॅप'मध्ये भविष्याचा विचार करुन अपग्रेडेशन सुरू आहे. या अपडेट एकाचवेळी नव्या आणि जुन्या मोबाइलसाठी तयार करणे अवघड जात आहे. शिवाय जुने तंत्रज्ञान वापरणाऱ्यांच्या संख्येत घट झाली आहे. अशा परिस्थितीत मोबाइलच्या नव्या मॉडेल आणि आधुनिक ऑपरेटिंग सिस्टिमचा विचार करुनच नवी व्हर्जन सादर करण्याचा निर्णय घेतल्याची माहिती 'व्हॉट्सअॅप' च्या व्यवस्थापनाने दिली.