कोणत्याही यंत्रणेसाठी संदेश ‘क्रॅक’ करणे अशक्य
वृत्तसंस्था, न्यूजर्सी
संदेशवहन आणि संवादासाठीचे प्रमुख माध्यम बनलेल्या व्हॉट्सअॅपने सर्वांना त्यांचे संदेश, माहिती आणि संवाद एन्क्रीप्शनद्वारे सुरक्षित करून आश्चर्याचा धक्का दिला आहे. आता तुमचे संदेश ‘एंड टू एंड एन्क्रीप्टेड’ म्हणजे पाठवणारे आणि स्वीकारणारे यांच्यासाठीच खुले असल्याचा संदेश सोमवारपासून सर्वांच्या स्मार्टफोनमध्ये झळकला आणि आतापर्यंत हे संदेश तिसरी व्यक्ती, संस्था अथवा यंत्रणा ते पाहू शकत होती, हा उलगडाही झाला.
दोन व्यक्तींमधील माहिती व संदेशाची देवाणघेवाण पूर्णपणे गुप्त राहणार असून, अन्य कोणत्याही तिसऱ्या व्यक्तीला त्याचा तपशील कळू शकणार नाही. व्हॉट्सअॅपलाही नाही. सर्वसामान्यांसाठी या एन्क्रीप्शनबद्दल धास्तीचे कोणतेही कारण नाही. एक तर यात हवे की नको असा कोणताही पर्याय नाही. पर्याय असला तर तो कोणाला हवा असेल? कारण एन्क्रीप्टेड असलेले संदेशवहन अधिक सुरक्षित असणार आहे.
व्हॉट्सअॅपचे नवीन व्हर्जन अपडेट केलेल्यांसाठी ही एन्क्रीप्शनची सुविधा आहे.
अर्थहीन अक्षर-आकड्यांचा कोड
एन्क्रीप्शन तंत्रज्ञानानुसार, व्हॉट्सअॅपचा एखादा संदेश पाठवला जात असताना तो ऑनलाइन जाताना गोपनीय कोडद्वारे गुप्त बनतो. तो ज्याला पाठवलेला आहे, त्याच्याकडे पोहोचल्यावर अशाच एका कोडमुळे पुन्हा नीट जोडला जातो. त्यामुळे, तो दरम्यानच्या काळात, ऑनलाइन असताना कोणी वाचायचा प्रयत्न केला तरी त्याला तो अजिबात कळणार नाही. कारण, तो अर्थहीन अक्षर-आकड्यांत रूपांतरीत झालेला असणार. तो कोड कोणी सोडवूही शकत नाही, कारण दर संदेशासाठीचा कोड त्या सॉफ्टवेअरमधील अल्गोरिदम दरवेळी ठरवत असतो. त्यामुळे सदर संदेश केवळ पाठवणाऱ्याकडे आणि ज्याला पाठवला त्याच्याकडेच मूळ स्वरूपात राहतो.
वृत्तसंस्था, न्यूजर्सी
संदेशवहन आणि संवादासाठीचे प्रमुख माध्यम बनलेल्या व्हॉट्सअॅपने सर्वांना त्यांचे संदेश, माहिती आणि संवाद एन्क्रीप्शनद्वारे सुरक्षित करून आश्चर्याचा धक्का दिला आहे. आता तुमचे संदेश ‘एंड टू एंड एन्क्रीप्टेड’ म्हणजे पाठवणारे आणि स्वीकारणारे यांच्यासाठीच खुले असल्याचा संदेश सोमवारपासून सर्वांच्या स्मार्टफोनमध्ये झळकला आणि आतापर्यंत हे संदेश तिसरी व्यक्ती, संस्था अथवा यंत्रणा ते पाहू शकत होती, हा उलगडाही झाला.
दोन व्यक्तींमधील माहिती व संदेशाची देवाणघेवाण पूर्णपणे गुप्त राहणार असून, अन्य कोणत्याही तिसऱ्या व्यक्तीला त्याचा तपशील कळू शकणार नाही. व्हॉट्सअॅपलाही नाही. सर्वसामान्यांसाठी या एन्क्रीप्शनबद्दल धास्तीचे कोणतेही कारण नाही. एक तर यात हवे की नको असा कोणताही पर्याय नाही. पर्याय असला तर तो कोणाला हवा असेल? कारण एन्क्रीप्टेड असलेले संदेशवहन अधिक सुरक्षित असणार आहे.
व्हॉट्सअॅपचे नवीन व्हर्जन अपडेट केलेल्यांसाठी ही एन्क्रीप्शनची सुविधा आहे.
अर्थहीन अक्षर-आकड्यांचा कोड
एन्क्रीप्शन तंत्रज्ञानानुसार, व्हॉट्सअॅपचा एखादा संदेश पाठवला जात असताना तो ऑनलाइन जाताना गोपनीय कोडद्वारे गुप्त बनतो. तो ज्याला पाठवलेला आहे, त्याच्याकडे पोहोचल्यावर अशाच एका कोडमुळे पुन्हा नीट जोडला जातो. त्यामुळे, तो दरम्यानच्या काळात, ऑनलाइन असताना कोणी वाचायचा प्रयत्न केला तरी त्याला तो अजिबात कळणार नाही. कारण, तो अर्थहीन अक्षर-आकड्यांत रूपांतरीत झालेला असणार. तो कोड कोणी सोडवूही शकत नाही, कारण दर संदेशासाठीचा कोड त्या सॉफ्टवेअरमधील अल्गोरिदम दरवेळी ठरवत असतो. त्यामुळे सदर संदेश केवळ पाठवणाऱ्याकडे आणि ज्याला पाठवला त्याच्याकडेच मूळ स्वरूपात राहतो.