मुंबई:
फेसबुक, व्हॉट्सअॅप आणि इतर सोशल नेटवर्किंग साइट्सवर सध्या बोगस मेसेज व्हायरल होण्याचं प्रमाण वाढलंय. आपण कोणते, कुणाबद्दल आणि कशासाठी हे मेसेज पसरवतो, हे भानच राहिलेलं नाही. अशा मेसेजमुळं अनेकांना मनस्ताप होतो. देशासाठी बलिदान दिलेल्या मीरारोड येथील मेजर कौस्तुभ राणे यांच्या कुटुंबीयांनाही अशा व्हायरल मेसेजचा मनस्ताप सहन करावा लागत आहे.
शहीद मेजर कौस्तुभ राणे यांच्या पत्नीच्या नावानं याआधी एक ऑडिओ क्लिप व्हायरल झाली होती. त्याचा त्रास कमी होत नाही तोच आता अभिनेता अक्षय कुमार यानं मेजर राणे यांच्या घरी पहाटे तीन वाजता जाऊन त्यांच्या कुटुंबीयांची भेट घेतली आणि त्यांना आर्थिक मदत केली, असा मेसेज सोशल मीडियावर व्हायरल झाला आहे. अक्षयनं राणेंच्या कुटुंबीयांना नऊ लाख रुपयांची मदत केली असून, त्यांच्या मुलाच्या शिक्षणाची जबाबदारीही स्वीकारली आहे, असं त्या व्हायरल झालेल्या मेसेजमध्ये म्हटलं आहे. हा व्हायरल मेसेज बोगस असल्याचं उघड झालं आहे. अक्षय कुमार हा राणे यांच्या घरी गेलाच नाही आणि त्यानं कोणत्याही प्रकारची मदत केली नाही, असं समोर आलं आहे. लोकांनी अविचारानं आणि खातरजमा न करता असे मेसेज पसरवून मनस्ताप देऊ नये, अशी विनंती त्यांच्या कुटुंबीयांनी केली आहे.
फेसबुक, व्हॉट्सअॅप आणि इतर सोशल नेटवर्किंग साइट्सवर सध्या बोगस मेसेज व्हायरल होण्याचं प्रमाण वाढलंय. आपण कोणते, कुणाबद्दल आणि कशासाठी हे मेसेज पसरवतो, हे भानच राहिलेलं नाही. अशा मेसेजमुळं अनेकांना मनस्ताप होतो. देशासाठी बलिदान दिलेल्या मीरारोड येथील मेजर कौस्तुभ राणे यांच्या कुटुंबीयांनाही अशा व्हायरल मेसेजचा मनस्ताप सहन करावा लागत आहे.
शहीद मेजर कौस्तुभ राणे यांच्या पत्नीच्या नावानं याआधी एक ऑडिओ क्लिप व्हायरल झाली होती. त्याचा त्रास कमी होत नाही तोच आता अभिनेता अक्षय कुमार यानं मेजर राणे यांच्या घरी पहाटे तीन वाजता जाऊन त्यांच्या कुटुंबीयांची भेट घेतली आणि त्यांना आर्थिक मदत केली, असा मेसेज सोशल मीडियावर व्हायरल झाला आहे. अक्षयनं राणेंच्या कुटुंबीयांना नऊ लाख रुपयांची मदत केली असून, त्यांच्या मुलाच्या शिक्षणाची जबाबदारीही स्वीकारली आहे, असं त्या व्हायरल झालेल्या मेसेजमध्ये म्हटलं आहे. हा व्हायरल मेसेज बोगस असल्याचं उघड झालं आहे. अक्षय कुमार हा राणे यांच्या घरी गेलाच नाही आणि त्यानं कोणत्याही प्रकारची मदत केली नाही, असं समोर आलं आहे. लोकांनी अविचारानं आणि खातरजमा न करता असे मेसेज पसरवून मनस्ताप देऊ नये, अशी विनंती त्यांच्या कुटुंबीयांनी केली आहे.