Fact Check: माजी क्रिकेटपटू अनिल कुंबळे भाजपात?
पंतप्रधान नरेंद्र मोदी आणि माजी क्रिकेटपटू अनिल कुंबळे यांचा एक फोटो सध्या सोशल मीडियावर खूप व्हायरल होत आहे. कुंबळेंने भाजपमध्ये प्रवेश केल्याचा दावा या फोटोतून केला जात आहे. फेसबुक आणि ट्विटरवर हे फोटो शेअर करण्यात येत आहेत.
महाराष्ट्र टाइम्स.कॉम 16 Jan 2019, 5:37 pm
फेसबुकवरही हा फोटो व्हायरल केला जात आहे. हा फोटो बंगाली भाषेतील आहे.
फोटो शेअर करताना कॅप्शन लिहिलेय, अनिल कुंबळेंनी भारताची राष्ट्रवादी पार्टी भाजपात प्रवेश केला आहे. एक दिवस संपूर्ण देशभरात कमळ फुलणार. (पोस्टचे बांग्ला भाषेतून मराठीत भाषांतर)
खरं काय आहे ?
माजी क्रिकेटपटू अनिल कुंबळे यांनी भाजपमध्ये पक्षप्रवेश केलेला नाही.
कशी केली पडताळणी ?
सोशल मीडियावर व्हायरल होत असलेल्या फोटोसंदर्भात 'मटा फॅक्ट चेक'ने अनिल कुंबळे यांच्याशी संपर्क साधला. मी भाजपत प्रवेश केला नाही, असे अनिल कुंबळेंनी स्पष्ट शब्दात सांगितले.
मग, पंतप्रधानांसोबत अनिल कुंबळे यांचा फोटो कसा काय? आणि कधीचा आहे?, हा प्रश्न अनुत्तरित होता. यासाठी 'मटा फॅक्ट चेक'ने गुगलवर रिव्हर्स सर्च केले. पीएमओ इंडियाचे एक ट्विट आणि नरेंद्र मोदी यांच्या अधिकृत फेसबुक पेजवर या फोटोची लिंक मिळाली. ही पोस्ट जुनी १ ऑगस्ट २०१४ ची आहे.
निष्कर्ष
'अनिल कुंबळे यांनी भाजपमध्ये पक्ष प्रवेश केला हा दावा खोटा आहे', असे 'मटा फॅक्ट चेक'च्या पडताळणीतून स्पष्ट झाले आहे.