FAKE ALERT: वाढत्या किंमतीमुळे पेट्रोल पंपावर राडा, जुना व्हिडिओ होतोय शेअर

दावा

एक व्हिडिओ सोशल मीडियावर खूप व्हायरल होत आहे. पेट्रोल पंपावर मोठा जमाव दिसत असून तो वाढत्या किंमतीमुळे संतप्त झाल्याचे यात दिसत आहे.




रावण राज्यात पेट्रोलच्या किंमती वाढल्याने नाराज झालेल्या जनतेचा अखेर बांध सुटला. आता ते प्रत्त्यूतर देत आहेत. आम्ही याचा तीव्र निषेध करतो. पेट्रोल घोटाळा. असा मजकूर या व्हिडिओच्या खाली दिला आहे.



खरं काय आहे ?

हा व्हिडिओ आताचा नाही. तो २०१८ चा आहे. सध्याच्या वाढलेल्या किंमतीशी या व्हिडिओचा काहीही संबंध नाही. हा व्हिडिओ ओदिशातील पुरी मधील आहे. ज्यावेळी इंधन दराच्या सततच्या वाढत्या किंमतीमुळे संतप्त झालेल्या जनतेने पेट्रोल पंपावर आंदोलन केले होते.

कशी केली पडताळणी ?

आम्ही सर्वात आधी गुगलवर क्रोमवर इन व्हिडिओचे एक्सटेंशनचा वापर केला. सर्वात पहिले आम्ही या व्हिडिओला वेगवेगळ्या कीफ्रेममध्ये विभागले. त्यानंतर रिव्हर्स इमेज सर्च केले. त्यानंतर आम्हाला हाच व्हिडिओ ३ ऑक्टोबर २०१८ रोजीचा यूट्यूबवर मधू महांता या नावाने सापडला. हा व्हिडिओ ओदिशातील पुरी येथील आहे. ‘Petrol pump in PURI ODISHA.’ असे याला शीर्षक दिले होते.



या संकेतावरून आम्ही आणखी यासंबंधीत कीवर्ड्सचा वापर केला. यावेळी आम्हाला यासारखेच अनेक यूट्यूबवर व्हिडिओ मिळाले. तसेच ओडिशाच्या न्यूज पोर्टलवर आम्हाला व्हिडिओ सापडले. त्याही पुढे, यूट्यूबवरील कनक न्यूज चॅनेलवर २९ सप्टेंबर २०१८ रोजी ओदिशातील पुरी येथे पेट्रोल पंपावर भेसळयुक्त पेट्रोलमुळे गोंधळ अशा आशयाची बातमी आम्हला सापडली.



आम्हाला अशा अनेक न्यूज सापडल्या. ज्या या घटनेशी साधर्म्य असणाऱ्या आहेत. २९ सप्टेंबर २०१८ रोजी ओदिशा टीव्हीने या संबंधीची घटना सविस्तर दिली आहे. याचे शीर्षक होते, पेट्रोल पंपावर चोरीच्या घटनेमुळे लाठीचार्ज. पेट्रोल पंप स्टाफ आणि ग्राहकांमध्ये पेट्रोल चोरीवरून धुमश्चक्री पाहायला मिळाली, अशा बातम्या आहेत.



काही स्थानिकांनी या ठिकाणी धाव घेतली होती. त्यानंतर एकच गोंधळ उडाला होता.

निष्कर्ष

ओदिशामधील २०१८ चा एक व्हिडिओ आता या दाव्याने शेअर केला जात आहे की, पेट्रोलच्या सततच्या दरवाढीमुळे पेट्रोल पंपावर नागरिकांना गोंधळ घातला आहे, परंतु, आता ज्या किंमती वाढल्या आहेत, याच्याशी या व्हिडिओचा काहीही संबंध नाही, असे मटा फॅक्ट चेकच्या पडताळणीत स्पष्ट झाले आहे.