Fake Alert: पीएमसोबत दिसत असलेला जखमी सैनिक भाजप नेते तजिंदर बग्गा नाही

दावा

महाराष्ट्र टाइम्स.कॉम

गलवान खोऱ्यात चीन सोबत झालेल्या झटापटीनंतर पंतप्रधान नरेंद्र मोदी यांनी लडाखचा दौरा केला. या दरम्यान त्यांनी जखमी झालेल्या जवानांची भेट घेतली. सैनिकांना भेटल्यानंतर पंतप्रधान नरेंद्र मोदींचा एक फोटो आता या दाव्याने व्हायरल होत आहे की, यातील एक सैनिक भाजपचे नेते तजिंदर पाल सिंह बग्गा आहे.

दिल्ली यूथ काँग्रेस शी संबंधित Manju Massey ने एक फोटो शेयर केला आहे. आणि तजिंदर बग्गा यांना टॅग केले आहे. फोटोत शिख जवानाच्या हातातील कडे आणि दिल्ली भाजप नेते तजिंदर बग्गा यांच्या हातातील कड्याची तुलना सुद्धा करण्यात आली आहे.


या फोटोला याच दाव्याने अनेक युजर्संनी शेयर केले आहे.



खरं काय आहे ?

फोटोत दिसत असलेला शीख जवान दिल्ली भाजपचा नेता तजिंदर बग्गा नाही.

टाइम्स फॅक्ट चेकने तजिंदर बग्गाशी संपर्क केला. यावेळी त्यांना सांगितले की, मी कधीही लेहला गेलो नाही. काँग्रेसने देशात इतके वर्ष राजकारण केले. परंतु, त्यांना हेही माहिती नाही की, शीख धर्मात कड्याचे काय महत्त्व आहे.

खरा फोटो भाजपने आपल्या अधिकृत ट्विटर हँडलवरून ३ जुलै २०२० रोजी म्हणजेच मोदींच्या लडाख दौऱ्याच्या दिवशीच शेयर केली होती.

तजिंदर बग्गा आणि पंतप्रधान नरेंद्र मोदी सोबत दिसत असलेला जवानाला बारकाईने पाहिल्यास स्पष्ट होते की, या दोन्ही व्यक्ती वेगवेगळ्या आहेत.



निष्कर्ष

शेयर केला जात असलेल्या फोटोत दिसत असलेला जवान हा दिल्ली भाजपचे नेते तजिंदर पाल सिंह बग्गा नाहीत.