FAKE ALERT: प्रियांका गांधी म्हणतात, भारत मूर्खांचा देश?, सत्य काय आहे?

सक्रीय राजकारणात उतरल्यानंतर प्रियांका गांधी यांची देशभर चर्चा सुरू आहे. काँग्रेसच्या सरचिटणीसपदी नियुक्ती झाल्यानंतर प्रियांका गांधी यांच्या नावानं असलेल्या ट्विटर हँडलवरून करण्यात आलेले एक ट्विट सध्या सोशल मीडियावर खूप व्हायरल होत आहे. या ट्विटमध्ये शाही स्नानावर टीका करण्यात आली आहे.

फेसबुक पेज I M With Narendra Modi‘ यावर श्रीनिवास पोतराजू या युजरने प्रियांका गांधी आणि इंदिरा गांधी यांचा एक फोटो पोस्ट केला आहे. हा फोटो शेअर करताना त्याला एक स्क्रीनशॉट जोडला आहे. ट्विटर हँडल @PriyankagaINC या अकाउंटवरून करण्यात आलेल्या ट्विटमध्ये म्हटलंय की, भारत मूर्खांचा देश आहे. या ठिकाणी सरकार लोकांना पिण्यासाठी पाणी देत नाही, तर ढोंगी आणि पाखंडी लोकांच्या शाही स्नानासाठी कोट्यवधी रुपये खर्च करतेय.



ही पोस्ट १ हजार ३०० लोकांनी शेअर केली आहे.



फेसबुकवरही ही पोस्ट अनेकांनी शेअर केली आहे.

खरं काय आहे?

फेसबुकवर व्हायरल करण्यात आलेले ट्विट हे प्रियांका गांधींच्या नावाने बनावट अकाउंटवरून करण्यात आले आहे. प्रियांका गांधी यांचे अधिकृत ट्विटर हँडल हे ११ फेब्रुवारी २०१९ रोजी सुरू करण्यात आले आहे.



प्रियांका गांधी यांनी आतापर्यंत त्यांच्या अधिकृत ट्विटर अकाउंटवरून एकही ट्विट केलेले नाही. अकाउंट सुरू केल्यानंतर प्रियांका गांधींनी अकाउंटवरून अहमद पटेल, रणदीप सुरजेवाला, ज्योतिरादित्य शिंदे आणि राहुल गांधी यांना फॉलो केले आहे. प्रियांका गांधी यांना १८ हजार १०० लोकांनी आतापर्यंत फॉलो केले आहे.



व्हायरल होत असलेल्या पोस्टसंदर्भात 'मटा फॅक्ट चेक'ला अद्याप कोणतीही खरी माहिती मिळाली नाही. तसेच प्रियांका गांधींच्या नावाने सुरू केलेले हे बनावट अकाउंट आता डिलीटही करण्यात आले आहे.



ट्विटरवर ‘Priyanka Gandhi’ कीवर्ड सर्च केल्यानंतर आम्हाला या ठिकाणी प्रियांकांच्या नावाने सुरू असलेले आणखी काही ट्विटर अकाउंट मिळाले. यात काही खोट्या बातम्या पसरवणारे असून काही त्यांना सपोर्ट करणारे सुद्धा आहेत.



प्रियांका गांधी यांच्या अधिकृत ट्विटर अकाउंटमुळे त्यांच्या बाबतीत खोट्या बातम्या आणि चुकीची माहिती पसरवण्यास आळा बसेल.