या व्हिडिओतील इसम खरंच मुंबईचे पोलीस कमिश्नर आहेत का?

दावा: कलम ३७० रद्द होण्याच्या पार्श्वभूमीवर सोशल मीडियावर एक व्हिडिओ सध्या प्रचंड व्हायरल होतो आहे. या व्हिडिओत एक वयस्कर इसम येत्या काळात देशातील १९ शहरांमध्ये दहशतवादी हल्ला होऊ शकतो हे सांगत आहे. तसंच सर्वांनी सतर्क राहावं असा सल्लाही देत आहे.




हा व्हिडिओ मुंबईच्या पोलीस कमिश्नरच्या नावाने व्हायरल केला जातो आहे. व्हाट्सअॅप, फेसबुक आणि ट्विटर तिन्हीकडे हा व्हिडिओ शेअर केला जातो आहे. टाइम्स फॅक्ट चेकच्या वाचकांनी हा इसम खरंच मुंबईचा पोलीस कमिश्नर आहे का असा प्रश्न विचारला आहे.



काय आहे सत्य?
या व्हिडिओमध्ये दाखवण्यात आलेल्या इसम मुंबईचे पोलीस कमिश्नर नाही.


कशी केली पडताळणी?

मुंबईचे पोलीस कमिश्नर कोण आहे याचा शोध घेतला असता मुंबई पोलीसच्या वेबसाइटवर संजय बर्वेंची माहिती मिळाली. संजय बर्वे २८ फेब्रुवारी २०१९पासून मुंबईचे पोलीस कमिश्नर आहेत. त्यांचा फोटो व्हिडिओतील माणसाशी अजिबात जुळत नाही. व्हिडिओतील इसम निवृत्त ब्रिगेडियर हेमंत महाजन आहेत. हेमंत महाजन पुण्याचे रहिवाशी आहे. सुरक्षेसंदर्भातील अनेक चर्चांमध्ये त्यांनी सहभागही घेतला आहे.