राहुल गांधींच्या 'त्या' सभेत खरंच २५ लाख होते?

काही दिवसांपूर्वीच राहुल गांधींच्या बिकानेरच्या रॅलीचा एक फोटो व्हायरल झाला आहे. या रॅलीला २५ लाख लोकांची गर्दी झाली असल्याचं या फोटोमध्ये दिसतं. इंदिराच्या नातवाने इंदिरा गांधींचा रेकॉर्ड तोडला असा कॅप्शनही अनेकांनी दिला आहे. पण हा व्हायरल झालेल्या फोटो मागचं सत्य काही औरच आहे.


काय आहे सत्य?

हा फोटो २०१८तील राजस्थान रॅलीचा नसून २०१३चा हरयाणातील एका रॅलीचा आहे. ही रॅली राहुल गांधींची नसून तत्कालीन मुख्यमंत्री भुपेंद्रसिंह हुड्डा यांची आहे. हरयाणामध्ये काँग्रेस सरकारला ९ वर्षं पूर्ण झाल्याबद्दल
भुपेंद्रसिंह यांनी शक्तीप्रदर्शन केलं होतं त्यावेळचा हा फोटो आहे.




राहुल गांधींच्या बिकानेरच्या रॅलीचे फोटो काही दिवसांपूर्वी काँग्रेसकडून जाहीर करण्यात आले होते. त्या रॅलीला या फोटोच्या तुलनेत कमी गर्दी झाली होती.