Is Gautam Adani Preparing To Compete With Jio? Know Whether You Will Get Free Calling And Data
गौतम अदानी करताय का जिओला टक्कर देण्याची तयारी? जाणून घ्या मिळणार का फ्री कॉलिंग आणि डेटा
गौतम अदानी सध्या चर्चेत आहेत. आता एक नवीन बातमी आली आहे की गौतम अदानी लवकरच त्यांचे सिम आणि स्मार्टफोन आणू शकतात. याबाबत लोकांच्या मनात अनेक शंका आहेत. आज आम्ही तुम्हाला याबद्दल माहिती देणार आहोत.
Edited byसिद्धेश जाधव | महाराष्ट्र टाइम्स.कॉम16 Mar 2024, 4:10 pm
गौतम अदानी आणि क्वालकॉमचे (वायरलेस टेकनॉलॉजि संबंधित कंपनी ) सीईओ क्रिस्टियानो आमोन यांच्यात बैठक झाली आहे. या बैठकीकडे साहजिकच व्यावसायिक दृष्टिकोनातून बघितले जात आहे. आमोन नुकतेच भारतात आले आहेत . अशा परिस्थितीत ते देशातील बड्या उद्योगपतींना भेटत आहेत. याच क्रमात त्यांनी गौतम अदानी यांची भेट घेतली आहे.
बैठकीनंतर चर्चांना उधाण
बैठकीनंतर लगेचच वेगवेगळ्या बातम्या समोर येत आहेत. जिओला टक्कर देण्यासाठी गौतम अदानी एक नवीन टेलिकॉम कंपनी यासोबत स्मार्टफोनही लाँच करणार असल्याचा मेसेज व्हायरल होत आहे.
अदानींनी केली 'एक्स'वर पोस्ट
मात्र, याबाबत अद्याप गौतम अदानी किंवा क्वालकॉमकडून कोणतेही स्पष्टीकरण देण्यात आलेले नाही. या बैठकीनंतर गौतम अदानी यांनी 'एक्स'वर माहिती शेअर केली आहे. पण त्यात कुठेही गौतम अदानी आपली नवी कंपनी घेऊन येत असल्याचे म्हटलेले नाही. अशा स्थितीत या बातम्या पूर्ण अफवा असल्याचे सिद्ध झाले असून, त्यात गौतम अदानी यांच्यासह त्यांच्या कंपनीचे म्हणणे आहे.
गौतम अदानींनी खरेदी केले होते स्पेक्ट्रम
गौतम अदानी यांनी 2022 मध्ये झालेल्या स्पेक्ट्रम लिलावादरम्यान काही 5G स्पेक्ट्रम खरेदी केले होते. याशिवाय अदानीकडून वेगवेगळ्या ठिकाणी डेटा सेंटर्स बांधली जात आहेत. क्वालकॉम ही डिझायनिंग आणि सेमीकंडक्टर मॅन्युफॅक्चरिंगमध्ये मोठी कंपनी आहे. क्वालकॉमने 14 मार्च रोजी चेन्नईमध्ये नवीन डिझाइन सेंटर सुरू करण्याबाबतही सांगितले होते. त्यामुळेच याबाबतच्या बातम्या येऊ लागल्या.
८ हजारांच्या आत येऊ शकतो Qualcomm-Jio 5G phone
मीडिया रिपोर्टनुसार चिपमेकर या एंट्री लेव्हल स्मार्टफोनसाठी रिलायन्स जिओ सोबत चर्चा करत आहे. तसेच याबाबत इतर स्मार्टफोन निर्माता कंपन्यांना देखील विचारणा करण्यात आली आहे. क्वॉलकॉम आगामी एंट्री लेव्हल स्मार्टफोनसाठी आपल्या स्वस्त चिपसेटवर काम करत असल्याचे वृत्त आहे. आगामी ५जी स्मार्टफोन मध्ये SA-2Rx क्षमता मिळणार असल्याचं सांगण्यात आलं आहे. यामुळे क्वॉलकॉम बजेट फोन्समध्ये २ अँटेना ५जी स्टॅन्डअलोन सोल्युशन देऊ शकेल. रिसीविंग अँटेना चारवरून दोन करून खर्च कमी करता येईल आणि त्यामुळे परफॉर्मन्सवर जास्त परिणाम होणार नाही, असं क्वॉलकॉमनं म्हटलं आहे.
सिद्धेश जाधव जवळपास 6 वर्ष डिजिटल मीडियामध्ये टेक्नोलॉजी विषयी लिहीत आहे. सुरुवातीपासूनच टेक विषयी माहिती वाचकांना समजेल अशा सोप्या शब्दात मांडण्याचा प्रयत्न त्याने केला आहे. कामाव्यतिरिक्त सिद्धेशला प्रवास करायाला आवडतं. नेहमीच तो वेगवेगळ्या गड किल्ल्यांवर आणि ऐतिहासिक ठिकाणी फिरत असतो. फावल्या वेळात त्याला चित्रपट बघायला आवडतात. कधीकधी तो आपल्या भावना आणि विचार चारोळ्यांच्या माध्यमातून व्यक्त करतो.... आणखी वाचा
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.