भेदणार सूर्यमंडळा... नासाला खुणावतोय तेजाचा गोळा

मटा ऑनलाइन वृत्त । वॉशिंग्टन

चंद्र, मंगळ या ग्रहांवर आणि काही लहान-मोठ्या ताऱ्यांवर अंतराळयानं पाठवल्यानंतर, आता अमेरिकी अंतराळ संशोधन संस्थेने - नासाने थेट सूर्यमंडळाला भेदण्याची तयारी सुरू केली आहे. पृथ्वीपासून तब्बल १४,९००,०००० किलोमीटर अंतरावर असलेला प्रखर तेजस्वी तारा त्यांना खुणावतोय. पुढच्या वर्षी ते आपलं पहिलं रोबोटिक अंतराळयान सूर्याच्या कक्षेत पाठवू शकतात.

सूर्य म्हणजे ऊर्जेचं प्रतीक. एक आगीचा गोळा. त्याच्यावर यान पाठवणं म्हणजे आगीशी खेळच. पण हा खेळ खेळण्याचं धाडस नासा करणार आहे. सूर्याभोवतीच्या वातावरणाचा अभ्यास करण्यासाठी त्यांनी 'सोलर प्रोब प्लस मिशन' हाती घेतलं आहे. 'आम्ही सूर्याच्या पृष्ठभागावर यान पाठवणार नाही आहोत, तर सूर्याच्या ६० लाख किलोमीटरच्या परिघात हे यान जाईल. त्यामुळे अनेक महत्त्वाच्या प्रश्नांची उकल होऊ शकेल, अशी माहिती नासाच्या एका वैज्ञानिकानं दिली.

सूर्याच्या पृष्ठभागाला वैज्ञानिक भाषेत फोटोस्फियर म्हटलं जातं, तर वातावरणाला कोरोना असं शास्त्रीय नाव आहे. सूर्याच्या वातावरणातील तापमान २० लाख अंश सेल्सिअसच्या आसपास आहे, तर पृष्ठभागावरील तापमान केवळ ५,५०० अंश सेल्सिअस आहे. स्वाभाविकच, या वातावरणात यान पाठवणं हे महाकठीण आव्हान असेल. नासा ते कसं पेलतं, याबद्दल जगभरात उत्सुकता आहे.

The first solar images from @NOAA’s GOES-16 weather satellite captured areas where the sun's corona appears darker: https://t.co/BSj22vfqPN pic.twitter.com/XKdYKuFRH5 — NASA (@NASA) February 27, 2017