गाणारे कुत्रे

एकेकाळी नामशेष झाल्याचे मानले जाणाऱ्या या लहान आकाराच्या गाणाऱ्या कुत्र्यांचा पुन्हा शोध लागला आहे. त्यांच्या विशिष्ट भुंकण्यामुळे त्यांना तसे नाव पडले. ही न्यू गिनी येथील जीवजात पुन्हा आढळली आहे. सर्वप्रथम एकोणिसाव्या शतकाच्या अखेरीस या कुत्र्यांचा शोध लागला होता आणि त्यांच्या विशिष्ट प्रकारच्या ओरडण्यातून निर्माण होणाऱ्या गाण्याच्या लकेरीने त्यांची ती विशिष्ट ओळख बनली होती. आता त्यांची जनुकीय ओळख पुढील पिढीतील कुत्र्यांमध्ये आढळून आले आणि ते नामशेष झाल्याचे वृत्त खरे नसल्याचे स्पष्ट झाले.

आठांत एक

दर आठ जणांत एक मृत्यू प्रदूषणाने होत असल्याचे स्पष्ट झाले आहे. प्रदूषणाचा घातक परिणाम सध्या करोना काळात खूप अधिक जाणवू लागला आहे आणि आता युरोपियन समुदायाच्या पर्यावरण संस्थेने तेरा टक्के मृत्यू हे प्रदूषणामुळे होत असल्याचे जाहीर केले आहे. म्हणजे दर आठव्या व्यक्तीच्या मृत्यूचे कारण हे प्रदूषण असल्याचे त्यांचे म्हणणे आहे. यामध्ये बळी पडणारे हे बहुतांश कमकुवत आणि गरीब समुदाय असल्याने त्यांच्या संरक्षणासाठी कृतिशील कार्यक्रम आखण्याची गरज असल्याचेही त्यांनी म्हटले आहे. गेल्या काही वर्षांतील मृत्यूंचा अभ्यास करून जवळपास साडेसहा लाख मृत्यू हे अकाली आणि प्रदूषणामुळे झाल्याचे जाहीर केले. तसेच माणूस हवा, पाणी, ध्वनी, रसायन आणि अन्य प्रकारच्या प्रदूषणाला बळी पडत असल्याने म्हटले आहे.

हिमालयातील ट्राऊट धोक्यात

हिमालयाच्या नद्यांमध्ये आढळणाऱ्या ट्राऊट या जातीच्या माशांची संख्या येत्या तीस वर्षात तब्बल २६ टक्‍क्‍यांनी घटणार असून १६ टक्के मासे आपला आधिवास गमावून बसतील असे भारत सरकारच्या वन्यजीव संस्थेने एका अभ्यासातून स्पष्ट केले आहे. त्यांनी आंतरराष्ट्रीय पातळीवरील पर्यावरणाचे निकष लागू करून केलेल्या हिमालयीन अधिवासाच्या अभ्यासातून ही भीती व्यक्त केली आहे.