श्री गणेश विसर्जन पूजा

श्रीगणपतीचे विसर्जन कुळाचाराप्रमाणे योग्य दिवशी करावं. त्या वेळी गंध , फुलं , धूप , दीप , नैवेद्य , दक्षिणा वगैरे उपचारांनी पूजा करावी. प्रत्येक उपचार अर्पण करताना वरील मंत्र म्हणावेत किंवा ' सिद्धिविनायकाय नम: ' असं म्हणावं. पूजा पूर्ण झाल्यावर प्रार्थना करावी व विसर्जनासाठी

यातुं देवगणा: सर्वे पुजामादाय पार्थिवीम।
इष्टकामप्रसिद्ध्यर्थ पुनरागमनाय च।।

असा मंत्र म्हणून मूर्तीला अक्षता अर्पण कराव्यात , म्हणजे पूर्वी प्राणप्रतिष्ठेने आलेलं देवत्व विसर्जित होतं. त्यानंतर मूर्ती स्थिर आसनावरून थोडी पुढे सरकवून ठेवावी. मग मूर्ती उचलून समुदात किंवा कुळाचाराप्रमाणे योग्य त्या पवित्र स्थळी विसर्जित करावी.

सर्व पूजांच्या वेळी देवाला अर्पण केलेली वस्त्रं , फळं , दक्षिणा वगैरे पदार्थ ब्राह्माणाला अर्पण करावेत.