'बाप्पासाठी सजली..... इरकली'

कौस्तुभ तिरमल्ले, पाटकर-वर्दे कॉलेज

महाराष्ट्र टाइम्स.कॉम

गणपती बाप्पासाठी केल्या जाणाऱ्या सजावटीतून थर्माकोल आणि प्लास्टिक हद्दपार झाल्यानंतर अनेक पर्यावरणपूरक पर्याय समोर येऊ लागले आहेत. त्यात पुठ्ठ्यापासून तयार केलेले मखर तर आहेतच. पण, महिलांचा जिव्हाळ्याचा विषय असलेल्या साड्यांचा वापर करून गणपतीसाठी सजावट केली तर? ही भन्नाट कल्पना घेऊन लालबागच्या संदेश गावकर या तरुणानं पेशानं कमर्शिअल आर्टिस्ट असलेल्या संदेश गावकरनं साड्यांपासून तयार केलेल्या सजावटीच्या साहित्याला सध्या चांगली मागणी आहे. गेल्या दोन वर्षांपासून तो हे तयार करतोय. एल. एस. रहेजा स्कूल ऑफ आर्ट्समधून त्यानं पदवी घेतली आहे. नोकरी सांभाळून मिळणाऱ्या वेळेत तो स्वत:मधल्या कलेला वाव देतो. सध्या टीव्हीवर गाजत असलेली 'स्वराज्य रक्षक संभाजी' मालिका बघत असताना ही कल्पना सुचली असं तो सांगतो. साड्यांपासून तयार होणारं एक मखर तयार करायला त्याला साधारण दोन तास लागतात. हे मखर अवघ्या पाच मिनिटात मांडून तयार होतं. या मखरात 'इरकली' साडीचा उपयोग केला जातो. एकदा घेतलेलं हे मखर साधारण दोन-तीन वर्ष वापरता येईल, असं तो सांगतो.

पूर्वीच्या काळी निरोप देण्यासाठी वापरला जाणारा लखोटा, त्याचे वेगवेगळे आकार, त्यावर सुंदर हस्ताक्षरात लिहिलेला तुम्हाला ऐतिहासिक काळात घेऊन जातील. वर्षभरात साधारण पाचशेहून अधिक मखरांची विक्री झाली आहे. फक्त भारतात नव्हे, तर परदेशातूनही साड्यांच्या मखरांना मागणी मिळत आहे असं तो सांगतो.