Ganpati Visarjan 2022: या भजनात गणेश विसर्जन होईल उत्साहात

पाहता पाहता सन २०२२ मधील गणेशोत्सव आता सांगतेकडे आला आहे. येत्या चार दिवसांनी गणपतीला निरोप द्यावा लागेल. यंदा देशभरात गणेशोत्सव अगदी जल्लोषात, उत्साहात, मंगलमय वातावरणात साजरा करण्यात आला. "मोरया...मोरया... गणपती बाप्पा मोरया"... "एक दोन तीन चार... गणपतीचा जयजयकार"... "गणपती बाप्पा मोरया.. पुढच्या वर्षी लवकर या" अशा घोषणांनी विसर्जन मिरवणुकेत दुमदुमणारा आवाज सर्वांना ज्ञात आहे. शुक्रवार ९ सप्टेंबर २०२२ ला होणाऱ्या विसर्जनावेळी देखील हा जयघोष पून्हा होईल आणि गणेशाला निरोप दिला जाईल. यासोबत अनेक भजन आरत्या, नाशीक ढोल, मुंबईचा मान, पुण्याची साथ घेत गणेश विसर्जनाचा उत्साह पार पडतो. पाहूया गणेश विसर्जनावेळी कोणकोणते भजन गायले जातात...

गणेश विसर्जन भजन
'विसर्जनाची व्यथा मनाची सांगू केसी कुणा घरामधूनी जाताना मखर वाटे सुना'
'हे गजवदन वक्रतुंड महाकाय'
'बाप्पा मोरया रे'
'सुखकर्ता तू'
'बाप्पा चालले रे गावाला'
'गणनायका'
'बाप्पा मोरया रे'
'देव गणपती पूजेला'
'पुढच्या वर्षी लवकर या'

वेदशास्त्रांमाजी तूं मंगलमूर्ती

वेदशास्त्रांमाजी तूं मंगलमूर्ती। अगणित महिमा तुझा कल्याण स्फूर्ती॥
भक्तांलागी देसी विद्या अभिमत ती। मोरेश्वर नाम तुझे प्रसिद्ध या जगती ॥१॥

जय देव जय देव जय मोरेश्वरा। तुझा न कळे पार शेषा फणिवरा ॥ध्रु०॥

पुळ्यापश्ये नांदे महागणपती। माघ चतुर्थीला जनयात्रे येती।।

जें जें इच्छिति तें तें सर्वही पावती। गणराजा मज बाळा द्यावी अभिमती ॥२॥

॥ जय देव जय देव०॥

एकवीस दुर्वांकुरा नित्ये नेमेसी। आणूनि जे अर्पिती गणराजयासी॥
त्याचे तू भवबंधन देवा चुकविसी। विठ्ठलसुत हा ध्यातो तुझिया चरणासी॥ जय देव जय देव जय मोरेश्वरा॥३॥

॥ जय देव जय देव०॥

नाना परिमळ दूर्वा

नाना परिमळ दूर्वा शेंदूर शमिपत्रें । लाडू मोद्क अन्ने परिपूरित पात्रें ।।
ऐसे पूजन केल्या बीजाक्षरमंत्रे । अष्टहि सिद्धी नवनिधी देसी क्षणमात्रें ।। १ ।।

जय देव जय देव जय मंगलमूर्ती । तुझे गुण वर्णाया मज कैची स्फूर्ती ।। ध्रु० ।।

तुझे ध्यान निरंतर जे कोणी करिती । त्यांची सकलही पापे विघ्नेंही हरती ।।

वाजी वारण शिबिका सेवक सुत युवती । सर्वहि पावती अंती भवसागर तरती ।। २ ।।

॥ जय देव जय देव०॥

शरणांगत सर्वस्वें भजती तव चरणी । कीर्ती तयांची राहे जोवर शशितरणि ।।
त्रैलोक्यी ते विजयी अदभूत हे करणी । गोसावीनंदन रत नामस्मरणी ।। ३ ।।

॥ जय देव जय देव०॥