मुंबई : भारताचा ७२ वा स्वातंत्र्यदिन साजरा होतोय. स्वातंत्र्यदिनासाठी संपूर्ण देश उत्साही दिसतोय. भारताची आगळीवेगळी ओळख अधोरेखित करणारी हिंदी चित्रपटसृष्टी म्हणजेच बॉलिवुडसुद्धा स्वातंत्र्यदिनाच्या आनंदात नेहमीच सहभागी असतं. आजवर अनेक देशभक्तीपर चित्रपट बॉलिवूडमध्ये बनवण्यात आले आणि काही प्रदर्शनाच्या मार्गावर आहेत. यंदा हे चित्रपट बघून आपण स्वातंत्र्यदिन साजरा करू शकता. पाहुया, नागरिकांमध्ये एकात्मकतेची आणि बंधुतेची भावना तेवत ठेवणाऱ्या काही सदाबहार चित्रपटांविषयी...
मिशन मंगल
येत्या काही दिवसांत सिनेरसिकांच्या भेटीला येणाऱ्या 'मिशन मंगल' या चित्रपटात इस्रोच्या महत्वाकांक्षी मंगळ मोहिमेची कहाणी दर्शवण्यात आली आहे. चित्रपटात अक्षय कुमार, विद्या बालन, तापसी पन्नू, सोनाक्षी सिन्हा, नित्या मेनन, कीर्ती कुल्हारी आणि शरमन जोशी हे कलाकार आहेत. इस्रोने यशस्वीरित्या पार पाडलेल्या या मिशनचा प्रवास बघताना अभिमानाने उर भरून येईल.
बाटला हाऊस
जॉन अब्राहमची मध्यवर्ती भूमिका असलेला हा चित्रपट १३ सप्टेंबर २००८ मधील दिल्लीतील साखळी बॉम्बस्फोटानंतरच्या बाटला हाऊस एन्काउंटरच्या सत्यघटनेवर आधारित आहे. पोलिसांच्या मनात असणाऱ्या देशभक्तीच्या भावनेचं आणि त्यासाठी त्यांना कराव्या लागणाऱ्या त्यागाचं दर्शन या चित्रपटात होईल.
उरी : द सर्जिकल स्ट्राइक
उरी : द सर्जिकल स्ट्राइक हा चित्रपट या वर्षातील पहिला सुपरहिट चित्रपट ठरला. भारतीय लष्कराच्या तळावर झालेल्या दहशतवादी हल्ल्यानंतर पाकव्याप्त काश्मीरमध्ये भारतीय लष्कराने केलेल्या सर्जिकल स्ट्राइकवर हा चित्रपट बेतलेला आहे. चित्रपटात विकी कौशल या नवोदित अभिनेत्याने मध्यवर्ती भूमिका साकारली आणि या भूमिकेसाठी त्याला राष्ट्रीय पुरस्काराने गौरविण्यात आलं आहे.
रंग दे बसंती
तरुणांमध्ये हा चित्रपट अजूनही लोकप्रिय आहे. देशासाठी बलिदान देणाऱ्या काही युवकांची कहाणी यात दाखवण्यात आली आहे. चित्रपट काल्पनिक असला तरी त्याचं कथानक अंगावर शहारे आणतं.
द लीजेंड ऑफ भगत सिंह
शहीद भगत सिंहच्या जीवनावर आधारित चित्रपटांपैकी राजकुमार संतोषी यांनी दिग्दर्शित केलेला 'द लीजेंड ऑफ भगत सिंह' हा चित्रपट सर्वोत्कृष्ट मानला जातो. या चित्रपटाला २००३ सालचा फिल्मफेअर अॅवॉर्ड आणि राष्ट्रीय पुरस्कार प्रदान केला गेला होता.
मिशन मंगल
येत्या काही दिवसांत सिनेरसिकांच्या भेटीला येणाऱ्या 'मिशन मंगल' या चित्रपटात इस्रोच्या महत्वाकांक्षी मंगळ मोहिमेची कहाणी दर्शवण्यात आली आहे. चित्रपटात अक्षय कुमार, विद्या बालन, तापसी पन्नू, सोनाक्षी सिन्हा, नित्या मेनन, कीर्ती कुल्हारी आणि शरमन जोशी हे कलाकार आहेत. इस्रोने यशस्वीरित्या पार पाडलेल्या या मिशनचा प्रवास बघताना अभिमानाने उर भरून येईल.
बाटला हाऊस
जॉन अब्राहमची मध्यवर्ती भूमिका असलेला हा चित्रपट १३ सप्टेंबर २००८ मधील दिल्लीतील साखळी बॉम्बस्फोटानंतरच्या बाटला हाऊस एन्काउंटरच्या सत्यघटनेवर आधारित आहे. पोलिसांच्या मनात असणाऱ्या देशभक्तीच्या भावनेचं आणि त्यासाठी त्यांना कराव्या लागणाऱ्या त्यागाचं दर्शन या चित्रपटात होईल.
उरी : द सर्जिकल स्ट्राइक
उरी : द सर्जिकल स्ट्राइक हा चित्रपट या वर्षातील पहिला सुपरहिट चित्रपट ठरला. भारतीय लष्कराच्या तळावर झालेल्या दहशतवादी हल्ल्यानंतर पाकव्याप्त काश्मीरमध्ये भारतीय लष्कराने केलेल्या सर्जिकल स्ट्राइकवर हा चित्रपट बेतलेला आहे. चित्रपटात विकी कौशल या नवोदित अभिनेत्याने मध्यवर्ती भूमिका साकारली आणि या भूमिकेसाठी त्याला राष्ट्रीय पुरस्काराने गौरविण्यात आलं आहे.
रंग दे बसंती
तरुणांमध्ये हा चित्रपट अजूनही लोकप्रिय आहे. देशासाठी बलिदान देणाऱ्या काही युवकांची कहाणी यात दाखवण्यात आली आहे. चित्रपट काल्पनिक असला तरी त्याचं कथानक अंगावर शहारे आणतं.
द लीजेंड ऑफ भगत सिंह
शहीद भगत सिंहच्या जीवनावर आधारित चित्रपटांपैकी राजकुमार संतोषी यांनी दिग्दर्शित केलेला 'द लीजेंड ऑफ भगत सिंह' हा चित्रपट सर्वोत्कृष्ट मानला जातो. या चित्रपटाला २००३ सालचा फिल्मफेअर अॅवॉर्ड आणि राष्ट्रीय पुरस्कार प्रदान केला गेला होता.