सिमला : हिमाचल प्रदेशच्या किन्नौर जिल्ह्यात चीनच्या सीमेजवळ बुधवारी झालेल्या हिमस्खलनात लष्कराचे सहा जवान मृत्युमुखी पडल्याची भीती व्यक्त होत आहे. एका जवानाचा मृतदेह हाती लागला असून, उर्वरित जवानांचा शोध लागला नसल्याने लष्करी वर्तुळात चिंता व्यक्त होत आहे. राकेश कुमार (४१) असे मृत्युमुखी पडलेल्या जवानाचे नाव असून, ते हिमाचल प्रदेशातील विलासपूर जिल्ह्याच्या घुमरपूर गावचे रहिवासी होते. शिपकी ला या ठिकाणी सकाळी ११ वाजता ही दुर्घटना घडली. अडकलेले जवान हे लष्कराच्या '७ जम्मू आणि काश्मीर रायफल्स' युनिटचे होते. या हिमस्खलनात इंडो-तिबेटीयन बॉर्डर पोलिस दलाचेही अनेक जवान अडकले होते. मात्र, त्यांची सुटका करण्यात आली.
हिमस्खलनात ६ जवान मृत?
हिमाचल प्रदेशच्या किन्नौर जिल्ह्यात चीनच्या सीमेजवळ बुधवारी झालेल्या हिमस्खलनात लष्कराचे सहा जवान मृत्युमुखी पडल्याची भीती व्यक्त होत आहे...
महाराष्ट्र टाइम्स 21 Feb 2019, 5:47 am