मुजफ्फरनगर (उत्तर प्रदेश):
देशभरात झुंडबळीच्या घटनांचे प्रमाण वाढले असतानाच, उत्तर प्रदेशातील मुजफ्फरनगर जिल्ह्यातील बिजोपुरा गावातही जमावानं चोरीच्या संशयातून एका तरुणाची बेदम मारहाण करून हत्या केल्याची धक्कादायक घटना उघडकीस आली आहे. या प्रकरणी १०० अनोळखी व्यक्तींविरोधात गुन्हा नोंदवण्यात आला आहे.
पोलिसांच्या माहितीनुसार, बिजोपुरा गावातील शेकडोंच्या जमावानं गुरुवारी रात्री चोरीच्या संशयातून कपिल त्यागी (वय ३५) या तरुणाला मारहाण करण्यास सुरुवात केली. त्यानं शेतातील पंप चोरी केल्याचा ग्रामस्थांना संशय होता. शेतमालकानं त्याला पकडलं आणि इतर ग्रामस्थांनाही बोलावून घेतलं. जमावानं त्याला फरफटत नेलं आणि मारहाण करण्यास सुरुवात केली. त्याच्यावर धारदार शस्त्रानं वार केले. त्याचवेळी कपिलच्या इतर दोन साथीदारांनी जमावाच्या तावडीतून कशीबशी सुटका करून घेतली. जमावाच्या मारहाणीत कपिल गंभीर जखमी झाला होता. या घटनेची माहिती मिळताच पोलीस तेथे पोहोचले. त्यांनी तात्काळ कपिलला रुग्णालयात दाखल केलं. तेथील डॉक्टरांनी त्याला मृत घोषित केलं. या प्रकरणी १०० अनोळखी व्यक्तींविरोधात गुन्हा दाखल करण्यात आला आहे. या घटनेचा तपास सुरू असल्याची माहिती पोलिसांनी दिली.
देशभरात झुंडबळीच्या घटनांचे प्रमाण वाढले असतानाच, उत्तर प्रदेशातील मुजफ्फरनगर जिल्ह्यातील बिजोपुरा गावातही जमावानं चोरीच्या संशयातून एका तरुणाची बेदम मारहाण करून हत्या केल्याची धक्कादायक घटना उघडकीस आली आहे. या प्रकरणी १०० अनोळखी व्यक्तींविरोधात गुन्हा नोंदवण्यात आला आहे.
पोलिसांच्या माहितीनुसार, बिजोपुरा गावातील शेकडोंच्या जमावानं गुरुवारी रात्री चोरीच्या संशयातून कपिल त्यागी (वय ३५) या तरुणाला मारहाण करण्यास सुरुवात केली. त्यानं शेतातील पंप चोरी केल्याचा ग्रामस्थांना संशय होता. शेतमालकानं त्याला पकडलं आणि इतर ग्रामस्थांनाही बोलावून घेतलं. जमावानं त्याला फरफटत नेलं आणि मारहाण करण्यास सुरुवात केली. त्याच्यावर धारदार शस्त्रानं वार केले. त्याचवेळी कपिलच्या इतर दोन साथीदारांनी जमावाच्या तावडीतून कशीबशी सुटका करून घेतली. जमावाच्या मारहाणीत कपिल गंभीर जखमी झाला होता. या घटनेची माहिती मिळताच पोलीस तेथे पोहोचले. त्यांनी तात्काळ कपिलला रुग्णालयात दाखल केलं. तेथील डॉक्टरांनी त्याला मृत घोषित केलं. या प्रकरणी १०० अनोळखी व्यक्तींविरोधात गुन्हा दाखल करण्यात आला आहे. या घटनेचा तपास सुरू असल्याची माहिती पोलिसांनी दिली.