मटा ऑनलाइन वृत्त । अहमदाबाद
देवदर्शनाला जात असताना भावनगर येथे जीप आणि ट्रकची समोरासमोर धडक होऊन झालेल्या भीषण अपघातात ११ भाविक जागीत ठार झाले. मृतांमध्ये ५ महिलांचा समावेश असून अपघातात ठार झालेले सर्व भाविक डोंबिवलीतील रहिवासी असल्याचं सूत्रांनी सांगितलं.
धंधुका-बरवाला महामार्गावर पहाटेच्या सुमारास जीप आणि ट्रकची जोरदार धडक झाली. ट्रक चालकाचे ट्रकवरील नियंत्रण सुटल्याने हा अपघात झाला. डोंबिवलीच्या संगितावाडीमधील गोविंद धाम सोसायटीतील हितेश शहा त्यांच्या कुटुंबीयांसह गुजरातला जीपने पलिताना मंदिरात दर्शनासाठी जात होते.. आज पहाटे भावनगर येथे जीपच्या समोर अचानक एक ट्रक आल्याने जोरदार अपघात झाला. या अपघातात जीपचा चक्काचूर झाला असून त्यात शहा यांच्या कुटुंबातील ११ जण जागीच ठार झाले. हा अपघात अत्यंत भीषण होता. या अपघातात गोविंदधाम इमारतीत राहणारे हितेन शहा (वय ५२), विभा शहा (४८), नंदीप शहा (२२), तर निशिगंधा इमारतीत राहणारी हितेन यांच्या भावाची पत्नी किरण शहा (४५), जिनाबी शहा (२०) जतीन (१७), मानपाडा रोडवरील नीलकंठ इमारतीत राहणारा हितेन यांचा भाऊ शशिकांत (५६), रिटा शहा (५२), धरा शहा (२५) यांच्या समवेत त्यांच्या भारती आणि जयश्री यांचा मृत्यू झाला. हितेन यांचे यातील बरेच नातेवाईक सुरत आणि बडोदा येथून त्यांच्या बरोबर प्रवासाला निघाले होते. या अपघातात जखमी झालेल्या जैनम शहा या मुलावर अहमदाबादमधील खाजगी रूग्णालयात उपचार सुरु आहेत. दरम्यान, अपघातात ठार झालेले भाविक सर्वच्या सर्व भाविकांची ओळख पटली असून हे सर्वजण डोंबिवलीतील अाहेत. पोलिसांनी या अपघाताचा पंचनामा केला असून गुन्हा दाखल केल्याचं सुत्रांनी सांगितलं.
अपघाताची माहिती मिळताच डोंबिवली येथील घरी थांबलेल्या हितेन यांच्या ८० वर्षाच्या आईची शुद्ध हरपली. तिच्यासह नातेवाईकांनी तातडीने घटनास्थळी धाव घेतली असून डोंबिवलीत आज पर्युषण समाप्ती निमित काढल्या जाणाऱ्या मिरवणुकीचा कार्यक्रम रद्द करण्यात आल्याचं जैन मंदिर प्रशासनाने जाहीर केलं. दरम्यान मृतावर सुरत येथे अंत्यसंस्कार करण्यात येणार असल्याचे शहा कुटुंबियांनी सांगितले.
देवदर्शनाला जात असताना भावनगर येथे जीप आणि ट्रकची समोरासमोर धडक होऊन झालेल्या भीषण अपघातात ११ भाविक जागीत ठार झाले. मृतांमध्ये ५ महिलांचा समावेश असून अपघातात ठार झालेले सर्व भाविक डोंबिवलीतील रहिवासी असल्याचं सूत्रांनी सांगितलं.
धंधुका-बरवाला महामार्गावर पहाटेच्या सुमारास जीप आणि ट्रकची जोरदार धडक झाली. ट्रक चालकाचे ट्रकवरील नियंत्रण सुटल्याने हा अपघात झाला. डोंबिवलीच्या संगितावाडीमधील गोविंद धाम सोसायटीतील हितेश शहा त्यांच्या कुटुंबीयांसह गुजरातला जीपने पलिताना मंदिरात दर्शनासाठी जात होते.. आज पहाटे भावनगर येथे जीपच्या समोर अचानक एक ट्रक आल्याने जोरदार अपघात झाला. या अपघातात जीपचा चक्काचूर झाला असून त्यात शहा यांच्या कुटुंबातील ११ जण जागीच ठार झाले. हा अपघात अत्यंत भीषण होता. या अपघातात गोविंदधाम इमारतीत राहणारे हितेन शहा (वय ५२), विभा शहा (४८), नंदीप शहा (२२), तर निशिगंधा इमारतीत राहणारी हितेन यांच्या भावाची पत्नी किरण शहा (४५), जिनाबी शहा (२०) जतीन (१७), मानपाडा रोडवरील नीलकंठ इमारतीत राहणारा हितेन यांचा भाऊ शशिकांत (५६), रिटा शहा (५२), धरा शहा (२५) यांच्या समवेत त्यांच्या भारती आणि जयश्री यांचा मृत्यू झाला. हितेन यांचे यातील बरेच नातेवाईक सुरत आणि बडोदा येथून त्यांच्या बरोबर प्रवासाला निघाले होते. या अपघातात जखमी झालेल्या जैनम शहा या मुलावर अहमदाबादमधील खाजगी रूग्णालयात उपचार सुरु आहेत. दरम्यान, अपघातात ठार झालेले भाविक सर्वच्या सर्व भाविकांची ओळख पटली असून हे सर्वजण डोंबिवलीतील अाहेत. पोलिसांनी या अपघाताचा पंचनामा केला असून गुन्हा दाखल केल्याचं सुत्रांनी सांगितलं.
अपघाताची माहिती मिळताच डोंबिवली येथील घरी थांबलेल्या हितेन यांच्या ८० वर्षाच्या आईची शुद्ध हरपली. तिच्यासह नातेवाईकांनी तातडीने घटनास्थळी धाव घेतली असून डोंबिवलीत आज पर्युषण समाप्ती निमित काढल्या जाणाऱ्या मिरवणुकीचा कार्यक्रम रद्द करण्यात आल्याचं जैन मंदिर प्रशासनाने जाहीर केलं. दरम्यान मृतावर सुरत येथे अंत्यसंस्कार करण्यात येणार असल्याचे शहा कुटुंबियांनी सांगितले.