omicron india : 'ओमिक्रॉन'ची राजधानीतही एन्ट्री? अधिवेशन सुरू असल्याने वाढलं टेन्शन

नवी दिल्ली : दिल्लीत संसदेचं हिवाळी अधिवेशन सुरू आहे. देशातील बहुतेक खासदार आणि बडे नेते या कालावधीत दिल्लीत असतात. अशातच उत्तर भारतात थंडीही दाखल झाली आहे. पण आता दिल्लीसाठी चिंता वाढवणारी ही बातमी आहे.

कर्नाटक, राजस्थान आणि गुजरातमध्ये 'ओमिक्रॉन संशयित' आढळल्यानंतर आता दिल्लीतही १२ जण आढळून आले आहेत. सूत्रांनी ही माहिती दिली आहे. या सर्व १२ जणांवर दिल्लीतील लोकनायक जय प्रकाश नारायण हॉस्पिटलमध्ये (LNJP) उपचार करण्यात येत आहेत, असे सूत्रांनी सांगितले. एएनआयने हे वृत्त दिलं आहे.

दिल्लीतील १२ 'ओमिक्रॉन संशयितां'पैकी ८ जणांना गुरुवारी दाखल करण्यात आलं होतं. तर ४ संशयितांना आज उपचारासाठी दाखल करण्यात आलं आहे. या चौघांपैकी दोघांची करोना चाचणी पॉझिटिव्ह आली आले. आणखी दोघांच्या टेस्टचे रिपोर्ट यायचे आहेत, असे सूत्रांनी सांगितले.

omicron suspect in india : आफ्रिकेतून आलेले ४ जण 'ओमिक्रॉन संशयित', आता 'या' राज्याची चिंता वाढली

दिल्लीतील LNJP हॉस्पिटलमध्ये आज दाखल झालेल्या ४ ओमिक्रॉन संशयितांमध्ये दोन जण ब्रिटनमधून आलेले आहेत. तर एक जण फ्रान्समधून आणि एक जण नेदरलँडमधून आला असल्याचं सूत्रांनी म्हटलं आहे. चारही ओमिक्रॉन संशयितांचे नमुने जिनोम सिक्वेंसिंगसाठी पाठवण्यात येणार आहेत, असे सूत्रांनी म्हटले.

omicron : 'ओमिक्रॉन' अत्यंत संसर्गजन्य... काय आहेत बचावाचे उपाय? वाचा...