इंदूर: गेल्या काही महिन्यांपासून हृदयविकाराच्या झटक्यांमुळे होणाऱ्या मृत्यूंचा आकडा वाढला आहे. सर्वकाही सुरळीत सुरू असल्याचं वाटत असताना काही क्षणांमध्ये होत्याचं नव्हतं झाल्याचे प्रकार घडत आहेत. लग्न समारंभात नाचताना, जीममध्ये व्यायान करताना हृदयविकाराच्या झटक्यानं निधन झाल्याच्या घटना समोर येत आहेत. मध्य प्रदेशच्या इंदूरमध्ये अशीच घटना घडली आहे. अकरावीत शिकणाऱ्या १६ वर्षांच्या मुलीचा खेळता खेळता मृत्यू झाला. शाळेत मित्रमैत्रिणींसोबत खेळताना तरुणीनं जगाचा निरोप घेतला.
सोळा वर्षांची वृंदा नेहमीप्रमाणे शाळेत गेली. तिला कोणताही गंभीर आजार नव्हता. शाळेत खेळत असताना तिच्या छातीत दुखू लागलं. अस्वस्थ वाटत असताना वृंदा अचानक जमिनीवर कोसळली. शिक्षकांनी तिला घेऊन रुग्णालय गाठलं. तिथे डॉक्टरांनी तिला मृत घोषित केलं. हृदयविकाराच्या झटक्यानं तिचं निधन झाल्याचं डॉक्टरांनी सांगितलं. वृंदाचा मृतदेह शवविच्छेदनासाठी पाठवण्यात आला आहे.
वृंदाच्या अकाली निधनानं कुटुंबावर दु:खाचा डोंगर कोसळला आहे. मात्र या परिस्थितीतून सावरत त्यांनी एक स्तुत्य निर्णय घेतला. वृंदाचे डोळे दान करण्याचं ठरवून त्यांनी मुस्कान ग्रुपशी संपर्क साधला. ग्रुपचे सदस्य जीतू बगानी, अनिल गोरे यांनी वृंदाच्या कुटुंबियांची भेट घेतली. तिचे डोळे काढण्यात आले. तिच्या डोळ्यांमुळे एखाद्या गरजवंताला मदत मिळेल. त्याच्या आयुष्यातला अंधार दूर होईल.
इंदूरमध्ये गेल्या काही दिवसांपासून हृदयविकारामुळे होणाऱ्या मृत्यूंची संख्या वाढली आहे. आठवड्याभरापूर्वी तीन दिवसांत ११ जणांचा हृदयविकाराच्या झटक्यानं मृत्यू झाला. भारत विरुद्ध न्यूझीलंड सामन्यावेळी एका पोलीस कर्मचाऱ्याला हृदयविकाराचा झटका आला. त्यांच्यावर रुग्णालयात उपचार सुरू आहेत.
सोळा वर्षांची वृंदा नेहमीप्रमाणे शाळेत गेली. तिला कोणताही गंभीर आजार नव्हता. शाळेत खेळत असताना तिच्या छातीत दुखू लागलं. अस्वस्थ वाटत असताना वृंदा अचानक जमिनीवर कोसळली. शिक्षकांनी तिला घेऊन रुग्णालय गाठलं. तिथे डॉक्टरांनी तिला मृत घोषित केलं. हृदयविकाराच्या झटक्यानं तिचं निधन झाल्याचं डॉक्टरांनी सांगितलं. वृंदाचा मृतदेह शवविच्छेदनासाठी पाठवण्यात आला आहे.
वृंदाच्या अकाली निधनानं कुटुंबावर दु:खाचा डोंगर कोसळला आहे. मात्र या परिस्थितीतून सावरत त्यांनी एक स्तुत्य निर्णय घेतला. वृंदाचे डोळे दान करण्याचं ठरवून त्यांनी मुस्कान ग्रुपशी संपर्क साधला. ग्रुपचे सदस्य जीतू बगानी, अनिल गोरे यांनी वृंदाच्या कुटुंबियांची भेट घेतली. तिचे डोळे काढण्यात आले. तिच्या डोळ्यांमुळे एखाद्या गरजवंताला मदत मिळेल. त्याच्या आयुष्यातला अंधार दूर होईल.
इंदूरमध्ये गेल्या काही दिवसांपासून हृदयविकारामुळे होणाऱ्या मृत्यूंची संख्या वाढली आहे. आठवड्याभरापूर्वी तीन दिवसांत ११ जणांचा हृदयविकाराच्या झटक्यानं मृत्यू झाला. भारत विरुद्ध न्यूझीलंड सामन्यावेळी एका पोलीस कर्मचाऱ्याला हृदयविकाराचा झटका आला. त्यांच्यावर रुग्णालयात उपचार सुरू आहेत.