इन्फोसिस घेणार २० हजार कर्मचारी

नवी दिल्ली ः आयटी क्षेत्रातील मोठी कंपनी असलेल्या इन्फोसिसने या वर्षात २० हजार नवे कर्मचारी घेणार आहे. या तुलनेत कंपनीने आतापर्यंत मूल्यांकनात नापास झालेल्या केवळ ४०० जणांनाच कामावरून कमी केले आहे, याकडे लक्ष वेधले आहे. तंत्रज्ञानात झपाट्याने बदल होत असल्यामुळे नव्या रोजगारांची निर्मितीही मोठ्या प्रमाणावर होत असल्याचे कंपनीचे मुख्य कामकाज अधिकारी प्रवीण राव यांनी सांगितले आहे.

प्रवीण राव यांनी नुकतीच यासंदर्भात आयटी मंत्री रविशंकर प्रसाद यांची भेट घेतली. त्यावेळी राव म्हणाले, इन्फोसिसमध्ये दरवर्षी कर्मचाऱ्यांचे मूल्यांकन कामगिरीवर आधारित होते. यंदा अशा मूल्यांकनानंतर ३०० ते ४०० जणांना कामावरून कमी करण्यात आले. नारायण मूर्ती यांनी नोकरकपातीसंदर्भात केलेल्या विधानाव भाष्य करणे मात्र राव यांनी टाळले.