चंडीगड : व्हॅलेंनटाइन्स डेला मंगळवारी २५ वर्षीय तरुणाचा लिफ्टमध्ये अडकून दुर्दैवी मृत्यू झाला आहे. गुरमीत असं तरुणाचं नाव असून लिफ्टमध्ये अडकल्याने त्याचा चिरडून मृत्यू झाल्याची माहिती आहे. मंगळवारी दुपारी एका हॉटेलमध्ये लिफ्टच्या कॅप्सूलची साफ-सफाई करताना गुरमीतचा लिफ्टमध्ये अडकून मृत्यू झाला. गुरमीत त्या हॉटेलमध्ये कर्मचारी होता. याप्रकरणी पोलिसांकडून अज्ञातावर गुन्हा दाखल करण्यात आला आहे. मिळालेल्या माहितीनुसार, मंगळवारी दुपारी ही घटना घडली त्यावेळी गुरमीत हॉटेलच्या तळमजल्यावर लिफ्टच्या कॅप्सूलची साफ-सफाई करत होता. त्याचवेळी अचानक वरुन लिफ्ट आली. गुरमीत कॅप्सूल आणि लिफ्टच्यामध्ये अडकला. त्याचं शरीर लिफ्ट आणि कॅप्सूलमध्ये अडकल्याने तो गंभीर जखमी झाला.
लिफ्टमध्ये साफ-सफाई करताना अचानक वरुन लिफ्ट आली
हा संपूर्ण प्रकार चंडीगडमधील सेक्टर १७ मध्ये असलेल्या हयात सेंट्रिक हॉटेलमध्ये घडला. गुरमीत तळमजल्यावर लिफ्टमध्ये गेला मात्र अचानक लिफ्ट वरुन जमिनीकडे खाली आली आणि गुरमीत लिफ्ट आणि कॅप्सूलच्यामध्ये अडकला. त्याला तात्काळ बाहेर काढण्यात आलं आणि उपचारासाठी चंदीगड येथील सेक्टर ८ मधील अपोलो रुग्णालयात दाखल करण्यात आलं. मात्र उपचाराआधीच डॉक्टरांनी त्याला मृत घोषित केलं.
या दुर्घेटनेनंतर, हयात सेंट्रिकमध्ये येणाऱ्या गेस्टसाठी सुरक्षा ही सर्वोच्च प्राथमिकता असल्याचं सेक्टर १७ मध्ये असलेल्या हयात सेंट्रिककडूनन सांगण्यात आलं. तसंच ही घटना अतिशय दुर्दैवी असल्याचंही म्हटलं आहे. या घटनेने अतिशय दु:ख झालं असून आम्ही गुरमीतच्या कुटुंबीयांसोबत आहोत. हॉटेल अधिकाऱ्यांकडून या प्रकरणाच्या तपास सुरू असल्याचं हॉटेलकडून सांगण्यात आलं आहे.
गुरमीतला तीन महिन्याची मुलगी आहे. गुरमीत या हॉटेलमध्ये काचेच्या खिडकीच्या पृष्ठभागाची साफ-सफाई करण्याचं काम करत होता. त्याला या हॉटेलमध्ये थर्ड पार्टीद्वारे कामावर ठेवण्यात आलं होतं. या दुर्घेटनेनंतर त्याच्या कुटुंबावर दु:खाचा डोंगर कोसळला आहे. या घटनेविराधात आयपीसीच्या कलम २८७ यंत्रसामग्रीबाबत निष्काळजी वर्तन, ३०४ ए नुसार अर्थात निष्काळजीपणामुळे मृत्यू असे गुन्हे दाखल करण्यात आले आहेत.
लिफ्टमध्ये साफ-सफाई करताना अचानक वरुन लिफ्ट आली
हा संपूर्ण प्रकार चंडीगडमधील सेक्टर १७ मध्ये असलेल्या हयात सेंट्रिक हॉटेलमध्ये घडला. गुरमीत तळमजल्यावर लिफ्टमध्ये गेला मात्र अचानक लिफ्ट वरुन जमिनीकडे खाली आली आणि गुरमीत लिफ्ट आणि कॅप्सूलच्यामध्ये अडकला. त्याला तात्काळ बाहेर काढण्यात आलं आणि उपचारासाठी चंदीगड येथील सेक्टर ८ मधील अपोलो रुग्णालयात दाखल करण्यात आलं. मात्र उपचाराआधीच डॉक्टरांनी त्याला मृत घोषित केलं.
या दुर्घेटनेनंतर, हयात सेंट्रिकमध्ये येणाऱ्या गेस्टसाठी सुरक्षा ही सर्वोच्च प्राथमिकता असल्याचं सेक्टर १७ मध्ये असलेल्या हयात सेंट्रिककडूनन सांगण्यात आलं. तसंच ही घटना अतिशय दुर्दैवी असल्याचंही म्हटलं आहे. या घटनेने अतिशय दु:ख झालं असून आम्ही गुरमीतच्या कुटुंबीयांसोबत आहोत. हॉटेल अधिकाऱ्यांकडून या प्रकरणाच्या तपास सुरू असल्याचं हॉटेलकडून सांगण्यात आलं आहे.
गुरमीतला तीन महिन्याची मुलगी आहे. गुरमीत या हॉटेलमध्ये काचेच्या खिडकीच्या पृष्ठभागाची साफ-सफाई करण्याचं काम करत होता. त्याला या हॉटेलमध्ये थर्ड पार्टीद्वारे कामावर ठेवण्यात आलं होतं. या दुर्घेटनेनंतर त्याच्या कुटुंबावर दु:खाचा डोंगर कोसळला आहे. या घटनेविराधात आयपीसीच्या कलम २८७ यंत्रसामग्रीबाबत निष्काळजी वर्तन, ३०४ ए नुसार अर्थात निष्काळजीपणामुळे मृत्यू असे गुन्हे दाखल करण्यात आले आहेत.