मटा ऑनलाइन वृत्त । नवी दिल्ली
उत्तर प्रदेशात अनधिकृत कत्तलखान्यांना टाळे लावल्यानंतर आता भाजपची सत्ता असलेल्या आणखी चार राज्यात अनधिकृत कत्तलखाने आणि मटनाची दुकाने बंद करून मांस विक्रीला बंदी घालण्यात आली आहे. राजस्थान, उत्तराखंड, छत्तीसगड आणि मध्यप्रदेश या चार राज्यातील मटनाच्या दुकानांवर प्रशासनाने कारवाईचा धडका लावला आहे.
या चार राज्यात कारवाई करताना प्रशासनाने आतापर्यंत हरिद्वारमध्ये ३, रायपूरमध्ये ११ आणि इंदूरमध्ये एक मटनाचे दुकान बंद केले आहे. जयपूर महापालिकेने एप्रिलपर्यंत ४ हजार मटनाची अनधिकृत दुकाने बंद करणार असल्याचे जाहीर केले आहे. मात्र या ४ हजार मटनाच्या दुकानांपैकी ९५० मटनांची दुकाने वैध असून या दुकानांच्या परवान्याचे पालिकेने नुतनीकरण केले नसल्याचा दावा मटन विक्रेत्यांनी केला आहे. तर काही लोक प्रतिनिधी आणि स्थानिकांच्या तक्रारीवरून ही कारवाई केली जात असल्याचा दावा पालिका अधिकारी करत आहेत.
छत्तीसगडच्या रायपूर महापालिकेचे आयुक्त आर. के. डोंगरे यांनी मटनाच्या अनधिकृत दुकानांना ३ दिवसात बंद करण्याचे आदेश प्रशासनाला दिले आहेत. ३ दिवसात मटन विक्रेत्यांनी दुकाने बंद केली नाही तर ही दुकाने सील करण्याचे आदेशही आयुक्तांनी दिले आहेत. तर मांस विक्रेते नियमांचं उल्लंघन करत असल्याचं कारण देत इंदूर महापालिकेनेही मटनाची दुकाने बंद करण्याचा निर्णय घेतला आहे.
उत्तर प्रदेशात अनधिकृत कत्तलखान्यांना टाळे लावल्यानंतर आता भाजपची सत्ता असलेल्या आणखी चार राज्यात अनधिकृत कत्तलखाने आणि मटनाची दुकाने बंद करून मांस विक्रीला बंदी घालण्यात आली आहे. राजस्थान, उत्तराखंड, छत्तीसगड आणि मध्यप्रदेश या चार राज्यातील मटनाच्या दुकानांवर प्रशासनाने कारवाईचा धडका लावला आहे.
या चार राज्यात कारवाई करताना प्रशासनाने आतापर्यंत हरिद्वारमध्ये ३, रायपूरमध्ये ११ आणि इंदूरमध्ये एक मटनाचे दुकान बंद केले आहे. जयपूर महापालिकेने एप्रिलपर्यंत ४ हजार मटनाची अनधिकृत दुकाने बंद करणार असल्याचे जाहीर केले आहे. मात्र या ४ हजार मटनाच्या दुकानांपैकी ९५० मटनांची दुकाने वैध असून या दुकानांच्या परवान्याचे पालिकेने नुतनीकरण केले नसल्याचा दावा मटन विक्रेत्यांनी केला आहे. तर काही लोक प्रतिनिधी आणि स्थानिकांच्या तक्रारीवरून ही कारवाई केली जात असल्याचा दावा पालिका अधिकारी करत आहेत.
छत्तीसगडच्या रायपूर महापालिकेचे आयुक्त आर. के. डोंगरे यांनी मटनाच्या अनधिकृत दुकानांना ३ दिवसात बंद करण्याचे आदेश प्रशासनाला दिले आहेत. ३ दिवसात मटन विक्रेत्यांनी दुकाने बंद केली नाही तर ही दुकाने सील करण्याचे आदेशही आयुक्तांनी दिले आहेत. तर मांस विक्रेते नियमांचं उल्लंघन करत असल्याचं कारण देत इंदूर महापालिकेनेही मटनाची दुकाने बंद करण्याचा निर्णय घेतला आहे.