नोएडात ५ तबलीघींना अटक; लॉकडाउनचे उल्लंघन केल्याचा आरोप

नोएडा (उत्तर प्रदेश): नोएडामध्ये पोलिसांनी तबलीघी जमातशी संबंधित ५ जणांना अटक केली आहे. दिल्लीच्या निजामुद्दीनमधील तबलीगी जमातीच्या मरकझमधून बाहेर पडल्यानंतर हे ५ जण नोएडाच्या बेगमपूर गावात राहत होता. आपण मरकझमधून आल्याची माहिती या ५ जणांनी पोलिसांना माहिती दिली नाही. वसीम, नूरहसन, कासिम, इम्रान आणि दिवाण अशी अटक केलेल्यांची नावे आहेत.

आपण मरकझमधून आल्याचे कोणालाही न सांगता हे ५ आरोपी गेल्या काही दिवसांपासून गावात राहत होते. त्याच प्रमाणे ते बेकायदेशीर गावात फिरतही होते. या आरोपींनी लॉकडाउनचे उल्लंघन केल्याचा त्यांच्यावर आरोप आहे. त्यांच्या गावात फिरण्यामुळे गावातील इतरांना करोनाचा संसर्ग होण्याचा धोका निर्माण झाला होता.

यापूर्वी उत्तर प्रदेशच्या जमाली येथे पोलिसांनी १५ जमातींना अटक केली आहे. अटक करण्यात आलेल्यांमध्ये १२ परदेशी नागरिक आहेत. महिनाभरापूर्वी पोलिसांनी त्यांच्याविरोधात व्हिसा उल्लंघन आणि साथीच्या आजाराशी संबंधित कायद्यासह विविध कलमांखाली गुन्हा दाखल केला होता. हे सर्व लोक पोलिसांना न कळवताच शामली येथे राहत होते, असा त्यांच्यावर आरोप आहे.

करोनाचा संसर्गाबाबत गेल्या काही दिवसांपासून तबलीघी जमातीचे सदस्य चर्चेत आहेत. विविध राज्यांमधील सरकारांनाही तबलीघींवर करोनाचा संसर्ग पसरवल्याचा आरोप केला आहे.