सहभागी तरुणांसाठी रेल्वेकडून योजना वृत्तसंस्था, नवी दिल्ली केंद्र सरकारच्या 'एक भारत, श्रेष्ठ भारत' या उपक्रमाअंतर्गत विविध कार्यक्रमात सहभागी होणाऱ्या पाच हजार रुपयांपेक्षा कमी मासिक उत्पन्न असलेल्या तरुणांना रेल्वेचा दुसरा वर्ग/ स्लीपर वर्गाच्या मूळ भाड्यामध्ये ५० टक्के सवलत देण्याची घोषणा रेल्वे मंत्रालयाने केली आहे. सामान्य रेल्वे सेवांसाठी विशेष बाब म्हणून ही सवलत देण्यात आली असून विशेष रेल्वे वा डब्यांसाठी ही सवलत मिळणार नाही. तसेच आरक्षण शुल्कासह अन्य शुल्क संबंधित सहभागीला पूर्णपणे भरावे लागेल, असे स्पष्ट करण्यात आले आहे. महोत्सवाला पोहोचण्यासाठी ३०० किमीहून अधिक प्रवास करणाऱ्या व्यक्तींनी मेल/एक्स्प्रेसमध्ये सेकंड/स्लीपर वर्गाच्या एकेरी भाड्याचे शुल्क भरल्यानंतर, त्यांना सवलतीचे परतीचे तिकीट दिले जाईल. विविध राज्यांच्या मनुष्यबळ विकास विभागाच्या सचिवांकडून रेल्वेने निश्चित केलेल्या नमुन्यातील प्रमाणपत्र सादर केल्यानंतर ही सवलत दिली जाईल.
'एक भारत'साठी रेल्वेत ५० टक्के सवलत
सहभागी तरुणांसाठी रेल्वेकडून योजनावृत्तसंस्था, नवी दिल्लीकेंद्र सरकारच्या 'एक भारत, श्रेष्ठ भारत' या उपक्रमाअंतर्गत विविध कार्यक्रमात सहभागी ...
महाराष्ट्र टाइम्स.कॉम 19 Dec 2019, 4:00 am