रायपूर: छत्तीसगडमधील सुकमा जिल्ह्यात नक्षलवाद्यांनी केलेल्या हल्ल्यात सीआरपीएफचे नऊ जवान शहीद झाले आहेत. आयईडी स्फोटकांच्या साहाय्यानं नक्षलवाद्यांनी आधी भू-सुरुंग स्फोट घडवून आणला व नंतर बेछूट गोळीबार केला. या हल्ल्यात १० जवान जखमी झाले असून त्यापैकी काही जणांची प्रकृती चिंताजनक आहे.
सुकमा जिल्ह्यातील किस्तराम इथं हा हल्ला झाला. सीआरपीएफच्या २१२ बटालियनचे जवानांकडून या भागात कोम्बिंग ऑपरेशन सुरू होते. यावेळी येथील जंगलात दबा धरून बसलेल्या सुमारे १०० नक्षलवाद्यांनी जवानांना लक्ष्य केलं. सुरुवातीला जवानांचं भू-सुरुंग विरोधी वाहन उडवून देण्यात आलं. त्यानंतर बेछूट गोळीबार करण्यात आला. त्यात नऊ जवानांचा जागीच मृत्यू झाला. तर, दहा जवान जखमी झाले. स्थानिक पोलिसांनी या वृत्तास दुजोरा दिला आहे. या हल्ल्यानंतर सुरक्षा दलाचे जवान व नक्षलवाद्यांमध्ये जोरदार धुमश्चक्री सुरू असल्याचं सूत्रांकडून समजतं.
आठवडाभरापूर्वी सुरक्षा दलानं केलेल्या कारवाईत १० नक्षलवादी मारले गेले होते. त्या पार्श्वभूमीवर झालेल्या या हल्ल्याकडं सूड म्हणून पाहिलं जात आहे.
सुकमा जिल्ह्यातील किस्तराम इथं हा हल्ला झाला. सीआरपीएफच्या २१२ बटालियनचे जवानांकडून या भागात कोम्बिंग ऑपरेशन सुरू होते. यावेळी येथील जंगलात दबा धरून बसलेल्या सुमारे १०० नक्षलवाद्यांनी जवानांना लक्ष्य केलं. सुरुवातीला जवानांचं भू-सुरुंग विरोधी वाहन उडवून देण्यात आलं. त्यानंतर बेछूट गोळीबार करण्यात आला. त्यात नऊ जवानांचा जागीच मृत्यू झाला. तर, दहा जवान जखमी झाले. स्थानिक पोलिसांनी या वृत्तास दुजोरा दिला आहे. या हल्ल्यानंतर सुरक्षा दलाचे जवान व नक्षलवाद्यांमध्ये जोरदार धुमश्चक्री सुरू असल्याचं सूत्रांकडून समजतं.
आठवडाभरापूर्वी सुरक्षा दलानं केलेल्या कारवाईत १० नक्षलवादी मारले गेले होते. त्या पार्श्वभूमीवर झालेल्या या हल्ल्याकडं सूड म्हणून पाहिलं जात आहे.