omicron cases in india : ओमिक्रॉनमुळे एका रुग्णाचा मृत्यू, ७ दिवसांपूर्वी कोविड रिपोर्ट होता निगेटिव्ह

जयपूर : राजस्थानच्या उदयपूरमध्ये ओमिक्रॉनचा संसर्ग झालेल्या ७३ वर्षांच्या एका ( omicron cases in india ) वृद्धाचे शुक्रवारी निधन झाले. ओमिक्रनमुळे त्यांचा मृत्यू झाल्याचं बोललं जात आहे. ओमिक्रॉनमुळे हा देशातील पहिला मृत्यू आहे. कोविडमुळे झालेल्या निमोनियामुळे ७३ वर्षीय वृद्ध व्यक्तीचे निधन झाले. या व्यक्तीची कुठलीही ट्रॅव्हल हिस्ट्री नव्हती. त्याची २१ आणि २२ डिसेंबरला चाचणी करण्यात आली होती. या चाचणीत ते निगेटिव्ह आढळले होते. पण २५ डिसेंबरला त्यांना ओमिक्रॉनचा संसर्ग झाल्याचे समोर आले होते, असं CMHO डॉ. दिनेश खराडी यांनी सांगितले.

त्यांना डायबिटीज आणि हायपरटेन्शन आणि हायपोथॉइरोडिज्म होता. अशा स्थितीत शरीरावर व्हायरसा मोठा परिणाम होतो. तसंच डायबिटीज असेल तर धोका अधिक वाढतो, असे डॉ. दिनेश खराडी यांनी सांगितले. राजस्थानमध्ये आतापर्यंत ओमिक्रॉनचे एकूण ६९ रुग्ण आढळून आले आहेत. ओमिक्रन संसर्ग झालेल्या रुग्णांमध्ये राजस्थान देशात ५ व्या क्रमांकावर आहे.

precautionary dose :'प्रिकॉशन डोस' देणार, पण कोणत्या लसीचा? केंद्राने सांगितले...

उदयपूरमध्ये ओमिक्रॉनचे आतापर्यंत ४ रुग्ण

उदयपूरमध्ये ओमिक्रॉनचे आतापर्यंत ४ रुग्ण आढळून आले आहेत. २७ डिसेंबरला उदयपूरमध्ये ओमिक्रॉनचा रुग्ण आढळला होता. तर त्याआधी २५ डिसेंबरला तीन रुग्ण आढळले होते. त्यात पती, पत्नी आणि एक ६८ वर्षांची महिला ओमिक्रॉन पॉझिटिव्ह आढळली होती.

omicron : खबरदारी घ्या! ओमिक्रॉन रोगप्रतिकारक शक्तीला बऱ्यापैकी चकवा देऊ शकतोः INSACOG

महाराष्ट्रातील त्या व्यक्तीचा मृत्यू ओमिक्रॉनमुळे नाही

पुण्यातील पिंपरीत आलेल्या ५२ वर्षीय पुरुषाचा मंगळवारी हृदयविकाराच्या झटक्याने मृत्यू झाला. त्याच्यावर 'वायसीएम'मध्ये उपचार सुरू होते. त्यांना ओमायक्रॉनची लागण झाली होती. मात्र, त्यांचा मृत्यू कोव्हिडमुळे झाला नाही, असे स्पष्टीकरण आरोग्य विभागाने दिले. या रुग्णाचा मृत्यू ओमिक्रॉनमुळे झाल्याचं आधी बोललं जात होतं.

covid india : महाराष्ट्रासह ८ राज्यांना केंद्राचा अलर्ट, 'कठोर पावले उचला, तरच तिसरी लाट...'