डेटिंग अ‍ॅपवरून प्रेम जुळले, नंतर लग्नासाठी दबाव टाकला, मग प्रियकराने एअर होस्टेसला संपवले

बेंगळुरू : डेटिंग अॅपवरून जुळले प्रेम...नतर पुढे लग्न करण्याची व्यक्त केलेल्या इच्छेची किंमत अशी मोजावी लागेल हे एखाद्याच्या स्वप्नातही आले नसेल. हिमाचल प्रदेशात राहणारी एअरहोस्टेस अर्चना हिने कधीच असा विचार केला नसेल. दुबईहून बंगळुरूला परतलेल्या अर्चनाची भेट कर्नाटकात राहणाऱ्या आदेश याच्याशी डेटिंग अॅपवर झाली. त्यानंतर दोघांमधील या नात्याचे रुपांतर प्रेमात झाले. पण अर्चनाच्या या विश्वासाने तिचा जीव घेतला. काही दिवसांपूर्वीच अर्चना हिचा इमारतीवरून पडून मृत्यू झाला होता. या प्रकरणी पोलिसांनी आरोपी आदेश याला अटक केली आहे. अर्चनाशी लग्न न केल्यामुळे तिने आदेशला कायदेशीर कारवाई करण्याचे आव्हान दिले होते, असे पोलिसांनी सांगितले.

एअरहोस्टेस अर्चनाशी लग्न न केल्याने कायदेशीर कारवाईचा इशारा दिल्यानंतर तिचा प्रियकर आदेश याने तिची हत्या केली. पोलीस सूत्रांनी ही माहिती दिली. ही घटना ११ मार्च रोजी घडली. पोलिसांनी दिलेल्या माहितीनुसार, दोघे एका डेटिंग अॅपद्वारे भेटले आणि प्रेमात पडले. त्यानंतर गेल्या तीन महिन्यांपासून एअर होस्टेस अर्चना तिच्या प्रियकरावर लग्नासाठी दबाव आणत होती.

पुण्यात फर्निचरच्या कंपनीला भीषण आग, स्फोट झाल्याने परिसरात घबराट, ६ कारखाने उद्ध्वस्त
दुबईहून बेंगळुरूला आलेल्या अर्चना या एअर होस्टेससोबत तरुणाचा लग्नावरून वाद सुरू झाला होता. अर्चनाने लग्न न केल्यास कायदेशीर कारवाईचा इशारा दिला. याचा राग येऊन आरोपी आदेशने अर्चनाला इमारतीवरून ढकलून दिल्याचे पोलिस तपासात उघड झाले आहे. यामुळे अर्चनाचा मृत्यू झाला.पोलिसांनी सांगितले की, अर्चनाची हत्या केल्यानंतर आरोपीने तिच्या वडिलांना फोन केला. आदेशने फोनवर सांगितले होते की, त्यांची मुलगी मद्यधुंद अवस्थेत इमारतीवरून पडली होती. तसेच त्याने पोलिसांनाही फोन करून घटनेची माहिती दिली.

नोकरीच्या त्रासाला कंटाळला, अकाउंटंटने गिळले ५६ ब्लेड, रक्ताच्या उलट्या; रुग्णालयात डॉक्टरही हैराण
पालकांच्या तक्रारीवरून केली आरोपीला अटक

मृताच्या पालकांच्या तक्रारीनंतर पोलिसांनी आरोपीला अटक केली.आदेशने तिला इमारतीच्या बाहेर ढकलून मारले, असा अर्चना हीच्या पालकांचा आरोप आहे. ही घटना शुक्रवारी मध्यरात्री कोरमंगळा परिसरातील रेणुका रेसिडेन्सीच्या आवारात घडली. २८ वर्षीय अर्चना हिमाचल प्रदेशची असून एका नामांकित विमान कंपनीत काम करत होती. तर आरोपी आदेश हा केरळचा रहिवासी असून बेंगळुरू येथे काम करतो.