मित्र रोज घरी यायचा, पत्नीशी सलगी वाढवली, बोलण्यास मज्जाव केल्यानंतर भडकला, पुढे घडले ते धक्कादायक

मुझफ्फरपूर : बिहार जिल्ह्यातील मुझफ्फरपूर येथे एका मित्राने आपल्या मित्राची चाकू भोसकून हत्या केली. इतक्यावरच न थांबता या मित्राने आपल्या मित्राचे शव रस्त्याच्या कडेला फेकून देत तो पसार झाला. या घटनेची माहिती मिळताच पोलिसांनी घटनास्थळी धाव घेतली. शव ताब्यात घेत पोलिसांनी शवविच्छेदनासाठी पाठवले आहे.

हे प्रकरण मुझफ्फरपूरमधील मीनापूर पोलीस ठाण्याच्या हद्दीतील आहे. येथे राहणारा राजेश कुमार याचा बिपिन राम नावाचा मित्र होता. हे दोघे नेहमीच एकमेकांच्या घरी जात-येत असत. त्यांचा चांगला घरोबा होता. या दरम्यान, राजेशची वाईट नजर बिपिनच्या पत्नीवर पडली. त्यानंतर हळूहळू राजेश बिपिनच्या पत्नीशी बोलू लागला. नंतर गप्पा मारू लागला. ही गोष्ट बिपिनच्या लक्षात आली. त्यानंतर राजेशशी बोलू नको असे बंधन बिपिनने आपल्या पत्नीला घातले.

संतापजनक! बहिणीचे पतीसोबतचे खाजगी क्षणांचे फोटो चोरले, भावासह पाहुण्यांनाही पाठविले
पोलिसांनी ताब्यात घेत केली चौकशी

ही गोष्ट लक्षात आल्यानंतर राजेश रागाने लालबुंद झाला. त्यानंतर राजेश आणि बिपिनचे भांडण झाले. प्रकरण हाणामारीवर देखील आले. यानंतर ११ फेब्रुवारीच्या संध्याकाळी राजेशने बिपिनची चाकू भोसकून हत्या केली. त्यानंतर राजेशने बिपिनचे शव रस्त्याच्या कडेला फेकून दिले.

पोलिसांना बिपिनच्या मृतदेहाशेजारी एक सिमकार्ड आढळले. त्या आधारे पोलिसांनी राजेशला ताब्यात घेत चौकशी सुरू केली. प्रथम तो आपण हत्या केली नसल्याचेच म्हणत होता.

पापा, आय हेट यू! तुम्ही मला मुलगी मानलेच नाही, वडिलांना चिठ्ठी लिहून मुलीने संपविले जीवन
त्यानंतर पोलिसांनी आपला खाक्या दाखवल्याने आपणच मित्र बिपिनची हत्या केल्याची कबुली राजेशने दिली. आपण बिपिनच्या पत्नीशी बोलायचे. याबाबत बिपिनला समजले. त्याने याला विरोध केला. यावरून आमचे भांडण झाले. या भांडणामध्येच मी बिपिनची हत्या केली, अशी माहिती राजेश याने पोलिसांना आपल्या जबाबात दिली.