तोंडात फुगा फुटल्यामुळे ८ वर्षांच्या मुलाचा मृत्यू

हरयाणा:

फुगा फुगवताना तोंडात फुटून त्या फुग्याचा तुकडा श्वास नलिकेत अडकल्यामुळे एका मुलाचा मृत्यू झाल्याची धक्कादायक घटना वल्लभगड शहरात घडली आहे. अनुज असे मृत मुलाचे नाव असून त्याचा मृत्यू झाल्यामुळे भाटी कुटुंबावर शोककळा पसरली आहे.

वल्लभगडमध्ये राहणाऱ्या मुकेश भाटींच्या भाच्याला पाहण्यासाठी वधूपक्षाची लोक येणार होती. यासाठी मुकेशची बहीण फरीदाबादहून तिच्या मुलांना घेऊन आली होती. घरात सगळे पाहुणे येणार म्हणून तयारी करत असल्यामुळे अनुज आणि इतर मुलं घराबाहेर खेळत होती. यावेळी अनुजने एक फुगा फुगवला. त्यात जास्त हवा भरल्यामुळे तो फुटला. पण तोच फुटलेला फुगा त्याने तोंडाच्या आत ठेवून फुगवण्यास सुरुवात केली. फुटलेला फुगा अधिकच जास्त फुगला आणि अखेर फुटला. तोंडाच्या आत फुगा फुटल्यामुळे त्याचा एक तुकडा त्याच्या श्वास नलिकेत अडकला आणि तो जागीच बेशुद्ध पडला. यामुळे उपस्थित मुलांनी ओरडा आरड केली. त्याचे आई-वडिल घटनास्थळी आले आणि त्यांनी त्याल जवळच्या रुग्णालयात दाखल केले. रुग्णालयात अनुजला मृत घोषित करण्यात आले.