amit shah : अमित शहांच्या जीवाला धोका, CRPF ला आला धमकीचा मेल

नवी दिल्लीः केंद्रीय गृहमंत्री आणि भाजपचे वरिष्ठ नेते अमित शहा यांना धमकी देणारा मेल सीआरपीएफला मिळाला आहे. काही दिवसांपूर्वी हा धमकीचा मेल आहे. या मेलमध्ये अमित शहा यांच्यासह यूपीचे मुख्यमंत्री आणि भाजप नेते योगी आदित्यनाथ यांचेही नाव आहे. त्यांनाही धमकी दिली गेली आहे, अशी माहिती सीआरपीएफच्या सूत्रांनी दिली.

अमित शहा आणि योगी आदित्यनाथ यांच्या धमकीच्या मेलबाबत संबंधित सुरक्षा यंत्रणांना माहिती देण्यात आली आहे. हा मेल मुंबईत सीआरपीएफला पाठवण्यात आला आहे. हा मेल केंद्र सरकार आणि महाराष्ट्राच्या संबंधित सुरक्षा यंत्रणांना पाठवण्यात आला आहे. या प्रकरणी त्यांचा तपास सुरू आहे. सुरक्षा यंत्रणांच्या सूचनांनुसार आम्ही काम करू, अशी माहिती CRPF चे महासंचालक कुलदीप सिंह यांनी दिली.

कोणा-कोणाचा सूड घेणार, अमित शहांना नक्षलवाद्यांचे पत्रकातून थेट आव्हान

दरम्यान, नक्षलवादी हल्ल्यानंतर केंद्रीय गृहमंत्री अमित शहा हे सोमवारी छत्तीसगडमध्ये गेले होते. नक्षलवादी हल्ल्यातील शहीद झालेल्या जवानांना त्यांनी श्रद्धांजली वाहिली. तसंच जवनांनाचे बलिदान व्यर्थ जाऊ देणार नाही, असा इशारा त्यांनी नक्षलवाद्यांना दिला. अमित शहा हे छत्तीसगडमधून दिल्लीला रवाना होताच नक्षलवाद्यांनी त्यांना आव्हान दिलं. कोणा-कोणाचा सूड घेणार, असं नक्षलवादी म्हणाले.

amit shah : अमित शहांची घोषणा, 'नक्षलवाद्यांविरोधातील लढाई निर्णायक वळणावर'