Vivek Oberoi: विवेक ओबेरॉय भाजपचा स्टार प्रचारक!

अहमदाबाद :

भाजपने गुजरातसाठी स्टार प्रचारकांची यादी जाहीर केली असून 'पंतप्रधान नरेंद्र मोदी' चित्रपटात मोदींची भूमिका साकारणारा अभिनेता विवेक ओबेरॉयचा स्टार प्रचारकांमध्ये समावेश करण्यात आल्याने सगळ्यांच्या भुवया उंचावल्या आहेत.

गुजरातमधील लोकसभेच्या २६ जागांसाठी २३ एप्रिल रोजी एकाच टप्प्यात मतदान होत असून भाजपने राज्यातील प्रचारासाठी ४० प्रचारकांची नावे निश्चित केली आहेत. ही यादी आज जाहीर करण्यात आली.

पंतप्रधान नरेंद्र मोदी, पक्षाध्यक्ष अमित शहा यांच्यासह केंद्रीय गृहमंत्री राजनाथ सिंह, नितीन गडकरी, अरुण जेटली, सुषमा स्वराज, निर्मला सीतारामन, महाराष्ट्राचे मुख्यमंत्री देवेंद्र फडणवीस, रामलाल, शिवराजसिंह चौहान, उमा भारती, स्मृती इराणी, मुख्तार अब्बास नक्वी, योगी आदित्यनाथ, हेमा मालिनी, वसुंधरा राजे शिंदे, विजय रुपाणी, परेश रावल, मनोज जोशी यांचा या यादीत समावेश आहे.