...म्हणून त्यानं केली आईच्या पार्टनरची हत्या

मटा ऑनलाइन वृत्त । नवी दिल्ली

मित्रांच्या टोमण्यांमुळे २० वर्षीय तरूणाने त्याच्या आईच्या लिव्ह-इन पार्टनरची हत्या केल्याची धक्कादायक घटना दिल्लीतील भजनपुरा परिसरात घडली. मदन मोहन (वय ६१) असे मृत इसमाचे नाव असून प्रेमनाथ असे आरोपीचे नाव आहे.
पोलिसांनी दिलेल्या माहितीनुसार, मदन मोहन हे सरकारी कर्मचारी होते. त्यांच्या पत्नीचे निधन झाले. तर त्यांची लिव्ह-इन पार्टनर असलेल्या महिलेच्या पतीलाही अपघातात जीव गमवावा लागला. त्यामुळे गेल्या काही वर्षांपासून मोहन त्या महिलेसोबत लिव्ह-इनमध्ये राहत होते, मात्र ही बाब त्या महिलेचा मुलगा प्रेमनाथ याला मान्य नव्हती. त्यामुळे तो घरीही येत नसे.
याच मुद्यावरून प्रेमनाथचे मित्रही त्याला अनेकदा चिडवत, टोमणे मारत असत. यामुळे चिडलेल्या प्रेमनाथने एका मित्रासह मदन मोहन यांना ठार करण्याचा कट आखला. शनिवारी ते घरात एकटे असल्याचे पाहून प्रेमनाथने घरात शिरून त्यांची हत्या केली. मात्र तो पळून जात असतानाच शेजाऱ्यांनी त्याला पाहिले आणि पोलिसांना फोन केला.
पोलिसांनी प्रेमनाथ व त्याच्या मित्राला अटक केली असून त्यांच्याविरोधात गुन्हा दाखल केला आहे.