म. टा. विशेष प्रतिनिधी, नवी दिल्ली
गुजरातच्या राज्यसभा निवडणुकीत नाट्यमय विजय नोंदविणारे काँग्रेस अध्यक्ष सोनिया गांधी यांचे राजकीय सचिव अहमद पटेल यांचे गुरुवारी संसदेत विजयी पुनरागमन झाले. राज्यसभेत उपराष्ट्रपती हमीद अन्सारी यांना निरोप देणाऱ्या भाषणांची अरुण जेटलींनी सुरुवात केल्यानंतर पटेल यांचे सभागृहात आगमन झाले तेव्हा त्यांना सदस्यांनी विजेत्याला साजेशी बाके वाजवून मानवंदना दिली. यावेळी पंतप्रधान मोदीही सभागृहात होते. मात्र, पटेल यांनी सदस्यत्वाची शपथ घेतली नाही. विविध काँग्रेसेतर पक्षांच्या सदस्यांनीही त्यांचे अभिनंदन केले.
भाजपच्या डावपेचांवर मात करून राज्यसभेवर सलग पाचव्यांदा निवडून आलेले पटेल यांचे अहमदाबादहून दिल्लीत बुधवारी रात्री आगमन झाले. त्यांचे काँग्रेसजनांनी विमानतळावर जंगी स्वागत केले. दिल्लीत पोस्टर्स आणि बॅनर्स लावण्यात आले होते. जंतरमंतर येथे युवक काँग्रेसने आयोजित केलेल्या ‘भारत बचाव’ आंदोलनात ते सहभागी झाले. युवक काँग्रेसच्या कार्यकर्त्यांनी ‘नरेंद्र मोदी भारत छोडो, गुजरात छोडो’ अशा उत्स्फूर्त घोषणा दिल्या. राष्ट्रवादी काँग्रेसच्या आमदाराचे एक मत मिळाले काय, असे विचारले असता ‘ये मिलियन डॉलर क्वश्चन है’ असे स्मितहास्य करीत पटेल उत्तरले. मात्र, आपल्याला मिळालेले एक मत कोणाचे आहे ते ठाऊक असल्याचे त्यांनी सांगितले.
पटेल यांच्या निसटत्या विजयाला आव्हान देण्यासाठी पुढच्या दोन दिवसांत न्यायालयात जाण्याची तयारी भाजपने चालविली आहे. निवडणूक आयोगाच्या या निर्णयाविरुद्ध न्यायालयात जाण्याचा भाजपने निर्णय घेतला आहे.
गुजरातच्या राज्यसभा निवडणुकीत नाट्यमय विजय नोंदविणारे काँग्रेस अध्यक्ष सोनिया गांधी यांचे राजकीय सचिव अहमद पटेल यांचे गुरुवारी संसदेत विजयी पुनरागमन झाले. राज्यसभेत उपराष्ट्रपती हमीद अन्सारी यांना निरोप देणाऱ्या भाषणांची अरुण जेटलींनी सुरुवात केल्यानंतर पटेल यांचे सभागृहात आगमन झाले तेव्हा त्यांना सदस्यांनी विजेत्याला साजेशी बाके वाजवून मानवंदना दिली. यावेळी पंतप्रधान मोदीही सभागृहात होते. मात्र, पटेल यांनी सदस्यत्वाची शपथ घेतली नाही. विविध काँग्रेसेतर पक्षांच्या सदस्यांनीही त्यांचे अभिनंदन केले.
भाजपच्या डावपेचांवर मात करून राज्यसभेवर सलग पाचव्यांदा निवडून आलेले पटेल यांचे अहमदाबादहून दिल्लीत बुधवारी रात्री आगमन झाले. त्यांचे काँग्रेसजनांनी विमानतळावर जंगी स्वागत केले. दिल्लीत पोस्टर्स आणि बॅनर्स लावण्यात आले होते. जंतरमंतर येथे युवक काँग्रेसने आयोजित केलेल्या ‘भारत बचाव’ आंदोलनात ते सहभागी झाले. युवक काँग्रेसच्या कार्यकर्त्यांनी ‘नरेंद्र मोदी भारत छोडो, गुजरात छोडो’ अशा उत्स्फूर्त घोषणा दिल्या. राष्ट्रवादी काँग्रेसच्या आमदाराचे एक मत मिळाले काय, असे विचारले असता ‘ये मिलियन डॉलर क्वश्चन है’ असे स्मितहास्य करीत पटेल उत्तरले. मात्र, आपल्याला मिळालेले एक मत कोणाचे आहे ते ठाऊक असल्याचे त्यांनी सांगितले.
पटेल यांच्या निसटत्या विजयाला आव्हान देण्यासाठी पुढच्या दोन दिवसांत न्यायालयात जाण्याची तयारी भाजपने चालविली आहे. निवडणूक आयोगाच्या या निर्णयाविरुद्ध न्यायालयात जाण्याचा भाजपने निर्णय घेतला आहे.