‘...तेव्हा अहमदाबाद धुमसत होते!’

वृत्तसंस्था, नवी दिल्ली

पंतप्रधान नरेंद्र मोदी जेव्हा दाओसमध्ये जगाला भारतात गुंतवणुकीसाठी आमंत्रित करत होते, तेव्हा अहमदाबादेत 'पद्मावत'च्या विरोधात हिंसाचार उफाळून आला होता, तर उत्तर प्रदेशात स्वयंघोषित संस्कृतीरक्षक धुमाकूळ घालत होते, अशी टीका काँग्रेसचे नेते पी. चिदंबरम यांनी गुरुवारी केली. चिदंबरम यांनी ट्विटरच्या माध्यमातून मोदींवर निशाणा साधला.