मटा ऑनलाइन वृत्त । जयपूर
अजमेर बॉम्बस्फोटप्रकरणातून राष्ट्रीय तपास पथकाने (NIA) साध्वी प्रज्ञा, राष्ट्रीय स्वंयसेवक संघाचे नेते इंद्रेश कुमारसह ४ जणांना क्लीन चिट दिली आहे.
२००७ साली झालेल्या बॉम्बस्फोटात हात असल्याचा आरोप असणाऱ्या साध्वी प्रज्ञा, इंद्रेश कुमार आणि अन्य चार जणांविरुद्ध सबळ पुरावे न मिळाल्याने त्यांना क्लीन चिट देण्यात येत असल्याची माहिती 'एनआयए'ने दिली आहे. या प्रकरणात विशेष कोर्टाने २२ मार्च रोजी भावेश पटेल (३९) आणि देवेंद्र गुप्ता (४१) यांना जन्मठेपेची शिक्षा ठोठावली होती.
'एनआयए'ने विशेष कोर्टासमोर सादर केलेल्या आपल्या अहवालात म्हटले, 'इंद्रेश कुमार, साध्वी प्रज्ञा, राजेंद्र आणि रमेश उर्फ प्रिन्स यांच्याविरोधात कोणताही सबळ पुरावा सापडला नाही. 'एनआयए'च्या क्लोजर रिपोर्टसंबंधी येत्या १७ एप्रिलला निर्णय घेण्यात येणार असल्याची माहिती अश्विनी शर्मा यांनी पत्रकारांना दिली. न्यायाधीश दिनेश कुमार यांच्या विशेष 'एनआयए' कोर्टाने सुरेश नायर, रामचंद्र कालसांगरा आणि संदीप डांगे या आरोपींना अटक करण्यात होत असलेल्या दिरंगाईबद्दल नाराजी व्यक्त केली होती.
अजमेर बॉम्बस्फोटप्रकरणातून राष्ट्रीय तपास पथकाने (NIA) साध्वी प्रज्ञा, राष्ट्रीय स्वंयसेवक संघाचे नेते इंद्रेश कुमारसह ४ जणांना क्लीन चिट दिली आहे.
२००७ साली झालेल्या बॉम्बस्फोटात हात असल्याचा आरोप असणाऱ्या साध्वी प्रज्ञा, इंद्रेश कुमार आणि अन्य चार जणांविरुद्ध सबळ पुरावे न मिळाल्याने त्यांना क्लीन चिट देण्यात येत असल्याची माहिती 'एनआयए'ने दिली आहे. या प्रकरणात विशेष कोर्टाने २२ मार्च रोजी भावेश पटेल (३९) आणि देवेंद्र गुप्ता (४१) यांना जन्मठेपेची शिक्षा ठोठावली होती.
'एनआयए'ने विशेष कोर्टासमोर सादर केलेल्या आपल्या अहवालात म्हटले, 'इंद्रेश कुमार, साध्वी प्रज्ञा, राजेंद्र आणि रमेश उर्फ प्रिन्स यांच्याविरोधात कोणताही सबळ पुरावा सापडला नाही. 'एनआयए'च्या क्लोजर रिपोर्टसंबंधी येत्या १७ एप्रिलला निर्णय घेण्यात येणार असल्याची माहिती अश्विनी शर्मा यांनी पत्रकारांना दिली. न्यायाधीश दिनेश कुमार यांच्या विशेष 'एनआयए' कोर्टाने सुरेश नायर, रामचंद्र कालसांगरा आणि संदीप डांगे या आरोपींना अटक करण्यात होत असलेल्या दिरंगाईबद्दल नाराजी व्यक्त केली होती.