सारे भारतीय माझेच; ट्विटवर प्रत्युत्तर

नवी दिल्ली : ‘सर्व भारतीय हे माझेच आहेत,’ असे स्पष्टीकरण परराष्ट्रमंत्री सुषमा स्वराज यांनी दिले आहे. मुस्लिमांच्या व्हिसाला प्राधान्य देत असल्याचा आरोप सुषमा स्वराज यांच्यावर ट्विटरवरून करण्यात आला होता.

‘मोदीजी सुषमा स्वराज केवळ मुस्लिमांना व्हिसा देण्याला प्राधान्य देतात. स्वराज यांच्याकडून हिंदूंना भारताच्या व्हिसासाठी मात्र त्रास दिला जातो. हे अत्यंत दुर्दैवी आहे,’ असे ट्विट हिंदू जागरण या ट्विटर अकाउंटवरून करण्यात आले होते. या ट्विटला परराष्ट्रमंत्री सुषमा स्वराज यांच्याकडून प्रत्युत्तर देण्यात आले आहे. हिंदू जागरण या ट्विटर खात्याकडून करण्यात आलेल्या ट्विटला सुषमा स्वराज यांनी त्वरित आणि जोरदार प्रत्युत्तर दिले.